SUPERBALITA CEBU

P9.6 million nga shabu nasakmit; 2 sikop

USA KA KILONG SHABU NASAKMIT. Nasikop sa mga sakop sa City Drug Enforcement Unit sa dakbayan sa Sugbo si Ronjol Diaz, 20 anyos ug kanhi habal-habal driver, sa usa ka buy-bust operation sa Sitio San Roque, Barangay Calamba, sa maong siyudad, kagabii sa Martes, Nobyembre 19. Nakuha gikan ni Diaz ang gibabanang usa ka kilong shabu nga nagkantidad og P7.5 million. (SunStar foto/ Benjie B. Talisic)

DUL-AN P10 million nga balor sa gidudahang shabu ang nasakmit sa duha ka managlahing pagpangronda sa dakbayan sa Sugbo sukad kagabii sa Martes, Nobyembre 19, hangtud ganinang buntag, Nobyembre 20.

Kapin sa usa ka kilo nga shabu o mokantidad sa 7.5 milyones pesos nga balor sa shabu ang nasakmit sa mga operatiba sa Drug Enforcement Unit sa Cebu City Police Office (CCPO) niadtong Martes sa gabii, Nobyembre 19.

Ang maong pagpangronda pinangulohan ni Police Lieutenant Col. Frankie Jingle Lugo, ang labaw sa CDEU.

Ang nadakpan kanhi habal-habal drayber nga sa kasamtangan walay trabaho ug dunay kapuyo.

Si Ronjol Diaz, 20 anyos, taga Sitio San Roque, Barangay Calamba, dakbayan sa Sugbo ug usa ka kanhi habal-habal driver, ang nasikop sa gipahigayong buy-bust operation sa CDEU.

Nakuhaan si Diaz ug gibanabang usa ka kilong pack sa shabu nga mubalor ug P7.5 million.

Samtang, laing binulto sa shabu ang nasakmit sa mga operatiba sa Mambaling Police Station ganihang kadlawn karong kadlawon sa Sitio Mayflower, Barangay Duljo Fatima, dakbayan sa Sugbo.

Si Police Capt. Francis Renz Talosig, hepe sa Mambaling Police Station, maoy nangu sa maong pag pangronda nga miresulta sa pagkasikop kang Elmer Apor, 20 anyos,molopyo sa nahisgutang lugar apan lumad nga taga Zamboanga Del Sur.

Nasakmit gikan kang Apor ang mobalor sa P2.1 million. (Superbalita Cebu)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph