SUPERBALITA CEBU

PRO 7 andam musikop sa mga e-cigarette users apan...

Base sa mando ni Presidente Rodrigo Duterte, bawal nang mugamit og e-cigarettes ug vapes sa mga publikong dapit aron paghatag og protection sa mga tawo nga malikay sa sakit nga dala sa E-cigaretes. Apan, niangkon ang mga kadagkoan sa kapulisan sa Central Visayas nga igo pa silang makabadlong sa mga mugamit og E-cigarettes ug vapes tungod kay wala pa nipagawas ug Implementing Rules and Regulations ang Malacañang alang sa pagpatuman sa Executive Order 26. (SunStar file foto)

MIPAGAWAS karon og kamandoan ang hepe sa Police Regional Office 7 sa tanang police commanders sa Central Visayas pag sikop ug pag kompiskar sa mga vape niadtong mogamit og E-cigarette ug vapes sa mga publikong lugar human mi-order si Presidente Rodrigo Duterte.

Apan sa pagkakaron nga wala pay implementing rule and regulation sa Executive Order 26 nga gipirmahan sa Presidente, badlongon lang una ug bawion ang mga E-cigarettes ug vapes samtang wala pa maklaro unsa nga balaod mahimong ipasaka sa mga masakpan nga mogamit niini sa publikong dapit.

“I am ordering my men to arrest those who will smoke e-cigarettes and confiscate vapes in public places in Central Visayas region. As what President Duterte said, this is an issue of public health and your police have this obligation to protect the people from the negative effects of the smoke coming from vapers,” sigon sa pamahayag ni PRO 7 director P/Brigadier Gen. Valeriano De Leon, sa iyang official Facebook page.

Ang tumong ug tuyo sa maong kamandoan aron pag hatag og protection sa mga tawo nga malikay sa sakit nga dala sa E-cigarettes.

Una nang gikataho nga adunay 16-anyos nga babaye sa Central Visayas ang nasakit sa baga tungod sa pag sigarilyo gamit ang e-cigarette ug vape.

Giawhag sad ni De Leon ang iyang mga sakop nga makig-alayon sa mga barangay ubos sa ilang hurisdiksyon aron sa pag-implementar sa mando sa Presidente.

“We need to work together on this. Barangay officials are of great help to run after vapers,” dugang ni De Leon.

Sa iyang bahin, Si Police Colonel Roderick Mariano, ang hepe sa Cebu Provincial Police Office, mipagawas na usab og kamandoan sa tanan chief of police sa kalungsuran nga ipatuman ang Executive Order 26 ni President Duterte.

Makig-alayon usab sila sa mga tindahan nga namaligyag E-cigarettes ug vapes aron ma warningan nga dili na mamaligya niini sa publiko. (Superbalita Cebu)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph