SUPERBALITA CEBU

Barrita: Seguridad sa mga huwes

Tipik sa Balaod

MATAG propesyon adunay mga risgo, ang gitawag nga hazards of the profession. Gani, mokalas pa kini og kinabuhi. Di exempted niini ang nag-alagad sa hudikatora. Sukad sa tuig 1999, 31 na ka mga huwes ang gipatay, sumala pa sa Office of the Court Administrator.

Ang labing uwahing kaso nahitabo niadtong Nobiyembre 5, 2019. Si Judge Mario Anacleto Bañez sa Regional Trial Court sa Tagudin, Ilocos Sur, nagmaneho sa iyang sakyanan padung na nga mopauli sa La Union sa dihang gipusil siya sa mga tawo nga nagsakay og motorsiklo.

Unsa man ang gibuhat sa Korte Suprema bahin niini? Ang Korte Suprema mismo misuwat ug miduso sa usa ka balaudnon nga magmugna sa usa ka Philippine Marshal Service kansang nag-unang responsibilidad mao ang seguridad sa mga huwes ug sa mga nag-alagad sa hudikatora.

Matod pa ni Court Administrator Midas Marquez, ang mga marshals, nga ibutang ubos sa Korte Suprema pinaagi sa Office of the Court Administrator, hatagan og mas halapad nga gahom. Lakip niini ang pag-imbestigar sa mga krimen ug mga hulga batok sa mga mahistrado, mga huwes ug mga opisyales ug kawani sa korte.

Ang mga marshals hatagan usab sa gahom sa pagsikop ug pagpatuman og mga “searches and seizures” sa ilang imbestigasyon. Ug sama sa Philippine National Police ug sa National Bureau of Investigation, direkta silang makapasaka ug mga criminal complaints sa Ombudsman, Department of Justice o piskaliya.

Ang mga marshals hatagan usab og gahom sa pag-imbestigar sa mga kahiwian ug pangurakot nga gihimo sa mga mahistrado, mga huwes ug mga opisyales ug kawani sa hukmanan. Wa kahay maunay sa tari niini?

Si Muntinlupa Rep. Rufino Biazon nipasaka usab sa House Bill No. 3409 nga magmugna sa Office of Judiciary Marshals kansang tahas mao ang pagpanalipod sa mga sakop sa hudikatora ug pag-imbestigar sa mga krimen nga nahitabo sulod sa korte ug sa ilang mga kabtangan.

“There is a need to provide our magistrates and judges a secure environment where they will be able to perform this almost inhuman act of rendering fair and just decisions amid all threats to their lives and those of the members of their families,” matod pa ni Biazon.

Samtang si Chief Justice Diosdado Peralta, usa ka kanhi prosecutor ug trial judge, pabor sa usa ka marshal service nga sama sa United States Marshal Service nga manalipod sa mga sakop sa hudikatora ug maoy mahimong law enforcement arm sa hudikatora alang sa mga court-related offenses. - edbarrita@gmail.com


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph