GIKABALAKA sa mga health advocates ang paspas nga ihap sa mga nigamit og vape o e-cigarettes diin sagad niini mga menor de edad.
Nasayran nga dunay pinakaunang natalang kaso sa lung injury nga tungod sa vape o electronic cigarette or vape-associated lung injury (Evali) sa Pilipinas nga usa ka 16 anyos nga babaye gikan sa Central Visayas.
Gibutyag ni Sec. Francisco Duque III, sa Department of Health niadtong Nobyimbre 15 nga ang biktima nadala sa balay tambalanan ug nadala sa Intensive Care Unit (ICU) human nakasinati og pag-ulbo labi na paglisod sa pagginhawa.
Nasayran usab nga sukad niadtong bulan sa Marso ning tuig nagsugod sa paggamit og e-cigarettes ang 16 anyos kada adlaw ilabi na ang flavored nga e-liquid.
Niadtong Nobyimbre 13, adlaw nga Miyerkules nagpahigayon og media forum sa Novotel, Cubao, Quezon City kalabot na sa dakong kadaot nga epekto sa panglawas niining maong vape o e-cigarettes ug gikabalak-an tungod kay mga batan-on ang biktima niini.
Si Chelsea Hill, Social Watch Philippines project assistant nga sagad gagamit gibutyag nga nigamit ang mga kabatan-onan tungod kay wala kini nahatagan og insaktong impormasiyon kalabot na sa epekto sa e-cigarettes.
“I believe, the youth are only attracted to it because they are misinformed," pahayag niini.
Gibutyag ni Executive Director Dr. Ulysses Dorotheo sa Southeast Asia Tobacco Control Alliance nga base sa datos sa Food and Nutrition Research Institute (FNRI) sa tuig 2019 nga usa sa lima ka gagamit og e-cigarettes nag-edad og 19 paubos.
Pahimangno usab ni Rizalina Raquel Gonzales, tsirman sa Philippine Pediatric Society sa mga kabatan-onan nga dili mogamit og vape atol sa media forum kalabot na sa “Mga Nagbabagang Kuwento: Ano ang bago?”
Mihimangno sab si Gonzales ilabi na sa mga kabatan-onan nga dili mogamit niining vape o e-cigarettes.
Gipasabot usab ni Gonzales nga ang electronic nicotine and non-nicotine delivery system (Ends) o mas nailang vape nagmugna og aerosol ug dili vapour gamit ang battery aron mopainit nga nagdala og nicotine, heavy metal, ug ubang kemikal nga mopaingon sa baga pinaagi sa smoking nga delekado kaayo sa panglawas ilabi na sa baga.
Samtang ang 44 anyos nga si Sheryl kinsa naggamit sa okasiyonal lang og vape nga tungod sa iyang anak rason nga naka gamit og vape.
"Nag shift ko og vape kay gi-introduce sa akong anak pag-try nako at first murag na curious ko siyempre dili sya baho, naa pa gyud siya flavor lain," matud niini.
Apan giklaro niini nga ni-undang na kini.
"Mga 3 months, dili nako comfortable sa iya unya aside from that kadugayan ang sensation gahalang na," dugang niini.
Gidugang pa nga ang 24 anyos nga anak ang na-impluwensiya sa mga barkada.
"Friends can really influence, kanang ila pa-chuychuy raman na," dugang niini.
Uyon usab kini sa pag-ban sa bisan unsa nga klase sa sigarilyo aron hingpit na nga makahunong ang anak ug mga batan-on.
"Approved, any form of smoking is not good," dugang pa.
Nasayran nga buot usab ni Presidente Rodrigo Duterte nga ipahunong na ang mga nigamit niinu ug ipasikop ang bisan kinsa nga mogamit diha sa publiko.
"Better stop it because I will order your arrest if you do it in a room. I am now ordering the law-enforcement agencies to arrest anybody vaping in public. That is like smoking," pahayag sa Presidente.