SUNOD-SUNOD ang pagpangdakop sa kapulisan sa mga wanted person sa rehiyon.
Ang gikonsiderang top 9 sa municipal level nga si Jimmy Layo-an alyas Toto, 45, minyo, Purok 3 Pinilayan, Quezon, Bukidnon nadakpan sa mga sakop sa Quezon Police Station.
Walay bailbond nga girekomendar ang korte sa kasong giatubang niini nga murder.
Samtang miiskor sab ang Impasug-ong Police Station human usa ka delivery boy nga nag-atubang og kasong murder ang nasikop.
Giilang si Orlando Velez, 22, minyo taga Purok 1, Barangay Poblacion, Impasugong, Bukidnon ang malampuson nga nasikop pinasikad sa warrant of arrest.
Lakip sab sa nasikop ang gikonsiderang top 1 ug top 4 sa regional level nga nag atubang sa kasong murder.
Pinaagi sa Regional Intelligence Division Chief gireport ni Police Lt. Col. Gerardo Ulanday nga malampuson nga nasikop ang gikonsiderang No.1 ug no.4 nga wanted sa tibuok rehiyon.
Hiniusa nga operasyon ang gihimo sa rehiyon ug nakigloordinar sa Toril Davao City Police Office ug malampuson nga nasikip si Rolly Fajanilag, alyas Boy.
Sikoo kini sa iyang gitrabahoan sa Pagkakaisa Village Brgy Lubugan, Toril Davao City niaging semana. Pinasikad sa smwarrant of arrest nga giisyu ni Judge Edgardo Lloran sa Branch 18, 10th Judicial Region ning siyudad sa Cagayan de Oro.
Sa follow up operation nasikop si Leo Pailanza alyas Totong, 37, sulod sa iyang boarding house sa Brgy Mandog, Buhangin District, Davao City.
Gidakop kini pinaagi sa warrant of arrest sa kasong mueder nga giisyu sab ni Presiding Judge Mirabeaus Undaloc sa 10th Judicial Region Branch 43, Gingoog City.
Si Pailanza gikonsideranf Top 1 Most Wanted Person sa PRO 10 ug priority target ubos sa Intelligence packet sa special tracker team.
Adunay P215,000 nga monetary reward kon masikop kini pinaagi hiniusang Memorandum sa DILG/DND.