NILANDIG sa tambalanan ang usa ka lalaki human giunay og luba sa iyang kaipon sulod sa merkado niaging adlaw sa Poblacion, Maigo, Lanao del Norte.
Giila ang biktima nga mao si Mario Ramos, 36, residente sa susamang dapit.
Gitumbok nga suspek ang kaipon niining si Emily Rose Ortiz, 31.
Sa inisyal nga imbestigasyon sa Maigo Police Station nasuta nga nag inom pa kining duha sulod sa usa ka videokihan.
Apan human niini kalit nga nagkalalis nga misangpot sa pagpangluba niini ngadto sa iyang kaipon.
Si Ramos nakaangkon og samad sa iyang tiyan nga bahin.
Giingong ang suspek adunay problema sa pangutok.
Padayon pa nga gipangita ang suspek human nakasibat, samtang ang biktima nagpaalim pa sa iyang naangkon nga samad sa tambalanan sa dapit.