GIBUTYAG sa direktor sa Land Transportation Franchising and Regulatory Board (LTFRB) nga duna pay mosunod nga posibleng matangtang sa trabaho tungod sa alegasiyong ilegal nga pagtransak og mga kliyente sa ilang buhatan.
Nasayran nga tulo ka mga trabahante sa LTFRB Northern Mindanao ang na-terminate niadtong bulan sa Oktubre kinsa nailang sila si Rustom Tolentino, drayber sa LTFRB; Dahlee Joy Saud, front line assistant ug Jaim Dimakuta, inspector.
Giingong nakadawat og reklamo ang buhatan sa LTFRB batok sa maong mga empkiyado.
Giingong nagdemanda og P50,000 ngadto sa P60,000 sila si Saud ug Tolentino bugti sa paspas nga proseso sa aplikasiyon alang sa prangkisa.
Samtang si Dimakuta ang giingong nagdemanda og P50,000 sa taxi operator.
Gibutyag ni Regional Director Amiloden Guro nga duna pay posibleng mosunod nga mga empliyado sa LTFRB nga matangtang tungod sa susama nga kalihokan.
"Yes in fact kadtong tulo, dili lang naa pay second batch adto, naa silay giingon nga validation naa man guy report sa 888, naay report sa MalacaƱang, naa poy report sa DOTr," matud ni Alonto.
Gidugang pa niini nga kung dunay mga madawatang mga reklamo i-validate una kini ug isyuhan og suspension o termination depende kini sa mahimong kalapasan sa usa ka empliyado.
Gidugang pa nga ang mismong central office ang mag-validate sa maong mga gireklamong empleyado mismo kung asa kini ug kung mapamatod-an posibleng matangtang sa trabaho.