DILI momenos 19 ka mga poultry farm sa dakbayan sa Toledo ang nakit-an nga adunay kalapasan sa mga rekisitos sa pag-operate human sa inspeksyon sugo ni Mayor Marjorie Penales.
Kasagaran sa ilang mga kalapasan mao ang sanitasyon ug ni-operate maski walay business permit.
Sigon ni Penales, aduna na silay lista sa mga poultry farm ug piggery ug kini ilang tagsa-tagsaon og adto.
Si City Community Environment and Natural Resources Officer Amador Cavan nisaysay nga walay giisyuhan nga business permit ni kanhi mayor Sonny Osmeña.
Matod ni Cavan, usa sa ilang gikonsiderar ang pagpasira niini.
Ila usab gihatagan og atensyon ang mga barangay sama sa Landahan, Dubayon, Dumlog, Carmen ug Magdugo diin naa silay nadawat nga mga reklamo. (JCT)