SUPERBALITA CEBU

Franz gikuha na sa pamilya, i-cremate

GIKUHA na gikan sa punerarya sa kaulohan ang lawas sa self-confessed drug lord sa probinsya sa Sugbo nga napatay niadtong Abril 18, 2019 sa Scout Borromeo ug Mother Ignacia, Barangay South Triangle, siyudad sa Quezon.

Matod ni P/Maj. Elmer Monsalve, opisyal sa Quezon City Police District (QCPD), nga niadtong Agusto 28, 2019, usa ka lalaki nga nagpaila nga si Atty. Ronald Segundino Ching ang niadto sa Saint Rudy Funeral Services ug nipahibawo nga siya ang abogado sa pamilyang Sabalones.

Nakapakita kini og dokumento nga magmatuod nga gipadala siya sa pamilya ni Franz Sabalones aron kuhaon kini alang sa hingpit na nga pagpahimutang niini.

“Kinuha na siya ng kanyang abogado at mayroon syang dala na dokumento. Ang procedure naman natin ay kailangan idaan sa proseso kagaya ng mga papel na mag bigay katibayan na totoo na sya ay kamag-anak sa namatay,” matod ni Monsalve ngadto sa Superbalita Cebu.

Gidala ang lawas ni Sabalones sa St. Nathaniel Crematory diin gitambongan usab kini sa inahan, kabanay ug suod nga mga higala sa namatay, ug gisunod dayon ang pag-cremate sa lawas.

Usa sa mga kasaligang tinub-an sa QCPD niingon nga mibayad og kapin P2 milyunes ang pamilyang Sabalones ngadto sa purenarya nga nag-atiman sa lawas ni Franz.

“Gituok sad sila sa punerarya kay ang unang bill at okay P1.8 million pero pagkuha na daw niabot nag kapin P2 million kay nagtuo sila nga daghang kwarta si Sabalones,” sumala sa police official.

Nakaduso usab matod pa og resulta sa DNA test ang pamilya nga magpamatuod nga ang namatay mao gyud ang drug lord sa Sugbo.

Wala pa usab silamaka tumbok kinsa ang nag pusil-patay kang Sabalones apan usa sa ilang gitan-aw ang may kalabotan sa ilegal nga drugas.

Una nang nagduda ang kapulisan sa Central Visayas ug ang Philippine Drug Enforcement Agency (PDEA) 7 nga ang namatay sa Quezon City dili si Sabalones tungod kay wala silay ebidensya nga magmatuod nga sya gyud ang namatay.

Si PDEA 7 Assistant Director Thessa Albana-Tiuzen wala mokomento kung buhi pa ba o patay na si Sabalones.

Matod niya nga ang PNP na ang nag-imbestigar sa kaso ni Sabalones apan aduna gihapoy mga pagduda nga buhi pa kini. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph