Lalaki, 36, gipusil patay; 'love triangle' gitan-aw

Lalaki, 36, gipusil patay; 'love triangle' gitan-aw

USA ka 36-anyos nga lalaki ang gipusil patay sa wala pa mailhing suspetsado sa Sitio Laray, Barangay Carreta, dakbayan sa Sugbo kaganihang pasado alas 3 sa hapon, Nobyembre 21, 2019.

Nailhan ang biktima nga si Norbert "Tonton" Castaño, residente sa Sitio Laray, Barangay Lorega, sa maong dakbayan.

Sigon sa mga saksi, naa ra daw nagstandby si Castaño sa maong dapit sa dihang gipusil patay kini sa wala pa mailhing mamumuno gamit ang .38 caliber nga revolver.



Gibilin ra sad sa suspetsado ang iyang armas human pusila ang biktima.

Nasuta sa kapulisan nga basin "love triangle" ang hinungdan sa kamatayon ni Castaño human nakakita kini ug away sa usa ka lalaki sa laing lugar tungod sa usa ka babae.

Gisuta pa karun sa mga imbestigador kung kinsa ang nagpusil patay ni Castaño. (Superbalita Cebu)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph