Sekyu, gahi na gipukaw

Sekyu, gahi na gipukaw



TAGUM CITY, Davao del Norte -- Sakit lang nga kalintura ang gibati sa usa ka sekyu una siya napalgang patay sa opisina sa branch sa security agency sa Orange Valley, Barangay Magugpo South alas 7:55 sa buntag, Nobyembre 19, 2019.

Namatay giila nga si Albert Almonicar, 28, minyo, guwardiya sa Dasia Security Agency ug molupyo sa Purok 11, Kapatagan, Laak, Compostela Valley Province.

Base sa inisyal nga imbestigasyon sa kapulisan, nasayran nga gipukaw lang ang biktima sa iyang kauban sa trabaho nga si Ralpy Blanco niadtong orasa.

Apan kalit lang nakurat si Blanco sa dihang nasuta nga migahi na ang lawas sa biktima. Hinungdan nga iyang gipahibawo ang ilang manager nga si Timmy Nicor, Jr., bahin sa insidente.

Hinuon mga awtoridad way nakitang foul play sa kamatayon sa biktima apan giawhag sa mga pulis nga ipa-autopsy ang patay’ng lawas niini aron masayran ang tinuod nga hinungdan sa iyang kamatayon.

Patay’ng lawas sa biktima gipahiluna sa Rubio Funeral Services sa Barangay Visayan Village. (Dexter T. Visitacion)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph