SUPERBALITA DAVAO

‘Ungo’ awayon aron di na makahasi sa mga bakwit

BANSALAN, Davao del Sur -- Sanglit padayong nabaniog ang matud pa pag-atake sa mga wakwak ug sigben sa mga bakwit nga nagtukod og mga trapal sa Sitio Curvada, Barangay Poblacion Uno sa lungsod, aduna na silay gihuptan karong panalipod sa ilang kaugalingon.

Usa si Emily, 32, nga nagbitay og ahos ug dahon sa buongon atubangan sa ilang trapal kay aron di na makaduol ang wakwak.

Sa katapad nga trapal ni Fidel, 52, gibutangan sab niini og bagakay ang ibabaw sa trapal kay alang niya, maayong depensa kini sa wakwak.

Di malimtan ni Rhea, 28, ang pag-atake kaniya sa wakwak nga taas og mga kuko ug nakatabon ang taas nga buhok sa nawong.

Kalit matud pa nga nahanaw ang ungo kay daw napaso kini dihang nag-ampo ang iyang inahan.

Gibutyag sab ni Carmen nga usa ka dakong kanding nga kolor gray ang iyang nakit-an ug nanaghap siya nga usa kadto ka sigben.

Halos tanang molupyo sa lugar nagbutang na og depensa batok sa aswang aron di na sila atakehon.

Apan si Police Major Rodante Varona, hepe sa Bansalan Police Station, nagbutyag nga hayan bag-ong estilo kini sa mga kawatan aron mahadlok na ang mga molupyo nga mogawas kon makabati og kasikas kay isipon kining wakwak.

Apan padayong gibarugan sa mga nakasaksi sa wakwak nga dili ordinaryong tawo ang ilang nakita ug naglibot-libot kini karon sa pipila ka mga dapit nga naigo sa kusog nga linog.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph