Walay kaluoy nga gikulata

WALAY kaluoy nga gikulata sa Dallas Mavericks ang Golden State Warriors, 142-94, sa National Basketball Association (NBA), Huwebes, Nobiyembre 21.

Si Luka Doncic mipakatap og 33 puntos sa first half sa iyang ikatibuk-ang 35 puntos sulod sa 25 minutos alang sa iyang laing triple-double performance. Siya milangkat og 10 ka rebounds ug 11 ka assists.

Ang Warriors nasukarap sa ilang pinakabati nga record sa season, 3-13.

Usa na lang ka puntos ang kuwang nga matupngan ni Doncic ang record ni Dirk Nowitzki sa first half nga nahimo niadtong Nobiyembre 3, 2009 batok sa Utah Jazz.

Siya usab ang dunay pinakadaghan og triple-doubles sa NBA sulod sa unang 14 ka duwa.

Wa si Draymond Green tungod sa iyang injury ug si coach Steve Kerr migamit lang sa iyang walo ka mga players nga wa gani bisan og usa nga nakaduwa niini sa niaging lima ka tuig diin ni-abot ang Warriors sa finals.

“Tough to lose by 48 points, but a break here or there and it only would have been 42 points,” ingon ni Kerr. “Nobody caught the sarcasm? I was trying to be funny.”

Sa laing bahin, sa unang higayon nga nagkadungan na gyud og duwa sila si Kawhi Leonard, Paul George ug Lou Williams, nakapakita ang Los Angeles Clippers sa ilang kahanas ug ilang gilupig ang Boston Celtics, 107-104 sa overtime.

Gawas sa tulo, maayo usab nga nakasuporta ang beteranong si Patrick Beverley kinsa nakapugnit og 14 puntos, 16 ka rebounds, lakip sa iyang krusyal nga tres.

“If I was a coach, I’d leave me open all the time,” matod ni Beverley.

Si Williams maoy nangulo sa Clippers nga may 27 puntos, midugang og 25 si George ug 17 usab ang natapi ni Leonard alang sa Clippers kinsa nakapahagsa og dakong rally sa fourth quarter aron papason ang 10 puntos nga labaw sa Celtics ug nahatod ang duwa ngadto sa overtime.

Ang kadaugan nakab-ot sa Clippers taliwala sa ilang 23 ka turnovers - pito kang Williams samtang tag lima sila si George ug Leonard. Ang Celtic adunay 17 ka turnovers.

“That was an ugly win, but it was beautiful,” paghulagway ni Clippers coach Doc.

Diha pa untay kahigayonan nga makatabla ang Celtics apan ang tres ni Kemba Walker sa wala nga bahin natapalan ni Leonard nga natukma usab sa pagka pupos sa oras.

“He got enough separation to get it off against most of the league,” paghulagway ni Celtics coach Brad Stevens sa gihimo ni Leonard. “The problem is, that guy’s not normal. He’s not most of the league, and he made a great play to block it.”

Sa iyang bahin si coach Rivers nakadayeg sa gihimo ni Beverley ug nagkanayon, “He literally singlehandedly willed that game with his effort, rebounding, making plays. He’s a tough kid.”

Sa laing duwa, gipakgang sa Denver Nuggets ang walo ka sunodsunod nga daog sa Houston Rockets, 105-95, ubos sa pagpangulo ni Nikola Jokic nga may 27 puntos ug 12 ka rebounds.

Ang hugot nga depensa ngadto ni James Harden maoy gihulagway ni Denver coach Michael Malone nga dakong rason sa ilang kadaugan.

“You have to have rules against James Harden,” ni Malone pa. “You can’t play him with your standard defense. Great player defense is required for great players.”

Si Harden, bisan pa man niini, mitapos sa duwa nga may 27 puntos, ubos ra hinuon sa iyang 36 puntos o kapin sa niaging walo ka sunodsunod nga mga duwa.

“That’s crazy when a guy scores 27 and it’s bad,” padayag ni Jokic. “We know he’s going to score. He’s going to be aggressive. Just make it harder and try to be there. ... Just to give them different looks.” (JBM)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph