SUPERBALITA CEBU

Super Suroy: Pa-Siargao ka? No worries kay diay Starlite Ferries

ADUNA nay barko nga manukad sa dakbayan sa Sugbo nga mobiyahe sa Surigao del Norte atol sa adlawan.

Gipaila-ila ang bag-ong barko sa Chelsea Company nga mao ang Starlite Ferrries M/V Stella Maris hamugayay na, affordable pa.

Ang Batangas-based nga Chelsea Logistics Holdings mao sab ang nagdumala sa SuperCat ug TransAsia.

Mobiyahe ang maong barko matag adlaw gikan sa 10:00 sa buntag nga manukad sa Pier 3, dakbayan sa Sugbo paingon sa lalawigan sa Surigao, ug mobiya sa Surigao sa 9:00 sa gabii ug modunggo kini sa Pier 5, Cebu City.

Estimated travel time sud sa siyam ka oras.

Sa dayong sud sa maong barko adunay staff nga moatiman sa matag pasahero ug ipakita lang ang imong ticket aron magiyahan ka sa mga staff kon asa dapit mahiluna.

Sa kadtong wa makadala og habol, hatagan kamo og habol nga microfiber ug hapin alang sa higdaanan, apan gikinahanglan nga magbilin lang og valid ID.

Sa gibate og kaalimuot ug gustong mag-shower mahimong makahuwam og tualya, sa title pa lang daan “no worries” ka na ang Starlite Ferries ang bahala.

Accomodations

Ang M/V Stella Maris adunay unom ka managlahing accommodation.

Nag-una ang reclining accomodation diin ang pasahero igo lang maglingkod sa reclining seat sama sa eroplano.

Mokabat sa P750 ang regular nga pletehan, P600 – students, P536 - Senior Citizens ug P375 bata nga nagpangidaron gikan sa syete anyos ngadto na sa kwatro anyos.

Adunay 40 ka reclining seats nga nahimutang sa air-conditioned room ug adunay TV nga makapawala sa laay sa pasahero.

Ikaduha ang economy. Kining bahina mamahimong makatuyhad ang pasahero.

Ang matag bed adunay igong space ug ali aron nga adunay privacy ang matag pasahero.

Sa rate nga P850 – regular, P680 – estudyante, P607 – Senior Citizen samtang P425 – bata.

Sa economy class adunay duha ka andana diin ang ground makasulod og 124 persons, ikaduhang andana mapa-igo ang 108 ka tawo.

Sa tourist diin ang lawak airconditioned nga maka-accomodate og 114 pasangers diin ang rate mokabat sa P1,050 – regular, P840 – estudyante, P750 – senior citizen, P525 – bata.

Samtang sa cabin haom alang sa grupo ilabi na sa upat ug walo ka tawo ug adunay amenities sama sa, airconditioned, lamp ug outlet.

Ang rate matag usa alang sa regular nga pasahero - P1,350, estudyante tag P1,080, Senior citizen tag P964 ug alang sa mga bata tag 675.

Laing accommodation mao ang VIP nga susama og hotel ug adunay kaugalingong CR, shower room ug TV.

ANg matag - VIP room tag P4,500 alang sa tulo ka tawo, ang maong barko adunay tulo ka VIP rooms.

Kining tanang accomodation adunay free meal gani gamit sa ilang ticket mamahimong makakuha og free meal sa ilang cafe.

Ang cafe 24 hours kining abli. Mamahimong mo-stand by sa area nga magpalabay sa oras ug aduna kiniy TV.

Friendly Staff

Ang mga staff sa maong barko maatimanunon sa ilang guests gani, mamahimo silang duolon bisan kanus-a ug mu-assist sila sa inyong kinahanglanon.

Alang sa mga wala naanad og byahe sa barko, dili kini malikayan nga maglain ang atong lawas apan wala kini angay ikabalaka tungod ang maong barko adunay kaugalingong clinic ug on-board nga nurse nga mo-assist labi na sa mga dagatunon.

Laing ikapasigarbo sa Starlite ferries M/V Stella Maris: Dili mabatyagan ang dagan sa maong barko ingon man ang vibrations sa makina nga makahasol sa inyong pagpahuway.

Ang barko mudunggo ngadto sa Eva Macapagal Passenger Terminal sa Surigao del Norte kon diin makasakay sab og laing gamay nga barko paingon sa Siargao Island. Kon ganahan sab nga musuroy sa Centro sa siyudad sa Surigao makasakay ra kamo og tricycle paingon sa ilang Luneta kung diin 6 minutos ra ang gilay-on gikan sa pantalan.

Suroyanan

Ang Luneta giatbangan sa Cathedral of San Nicolas de Tolentino ug sa Surigao City Hall. Sa Luneta, susama sab kini sa Luneta sa Manila kon diin aduna sab kini statuwa sa atong Pambansang bayani nga si Dr. Jose Rizal.

Sa mga gustong mosimba una musuroy sa maanindot nga lugar sa Surigao, mamahimong musimba ug aduna silay misa sa 5:00 sa buntag hangtod sa 5:00 sa hapon matag adlaw.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph