SUPERBALITA CAGAYAN DE ORO

Pagpangdaut sa opisyal sa pulis ‘on-air’ gipa-imbestigahan



GIPA-IMBESTIGAHAN sa Regional State Prosecutor (RSP) ang nahitabong pagpangdaot sa usa ka pulis pinaagi sa interbyu on-air kalabot na sa menor de edad nga nagpasaka og kaso batok niini.

Nasayran nga nagpasaka og kasong act of lasciviousness ang 16 anyos ug lima ka bulan nga mabdos nga giingong kanhi katabang nila ni Police Major Albart Tare.

Gikan sa court hearing ang dalaga niadtong nilabay nga semana apan kalit nga gipusil sa dihang nitabok na sa dalan kauban ang inahan ug giingong apohan.

Nigawas nga person of interest si Tare ilabi na nga kini ang gireklamo sa biktima ug atol sa interbyu niini on-air sa usa ka istasyon sa radio, gidaut niini ang menor de edad ug gihisgutan ang kinatibuk-ang kaso ilabi na kon unsa ang anaa sulod sa alegasiyon o sa affidavit.

Gibutyag ni abogado Merlyn Uy, RSP nga personal kining nagpadala og sulat kang Police Brigadier General Rolando Anduyan, regional director sa Police Regional Office (PRO)-Northern Mindanao kalabot niini.

“I wrote a letter to PNP regional director asking him to formally investigate what happened,” matud ni Uy.

Gidugang pa nga dili na angayang hisgotan pa ni Tare ang kaso ilabi na nga anaa na kini sa korte ug ang ebidensiya sa matag usa sa sulod lamang sa korte hisgutan ug dili sa media.

“Katong nagrant man gud og interview si Major Tare sa media nga in the process of defending himself, iyahang gidautan ang biktima who is a minor nga wala raba intawn to siya na interview, wala pud siya nagpa-interview or even any member of her family,” dugang niini.

Gidugang pa niini nga sub judice ang nahitabo ilabi na nga anaa na sa korte ang maong kaso.

“And one thing pud nga akong gi-point out is sub judice ang nahitabo because gi-discuss niya sa on-air ang merit sa kaso in fact iyang gi-discuss ang mga gisulti nga allegation sa affidavit which should not be the case because naa naman gud ang kaso sa court,” pahayag niini.

Giklaro usab niini nga dili kini patas alang sa biktima kinsa atol sa panghitabo anaa pa sa pakigbatok sa kamatayon.

“However wala may kalabotan ana ang bata, ang complainant kay in fact she’s still fighting for her life sa ICU, so it was very unfair on her part so kinsa man, who will stand up for her?,” saysay ni Uy.

Gibutyag usab niini nga nasabtan ang gibati ni Tare apan dakong sayop ang gihimo nga gidautan pinaagi sa on-air nga interbyu ang biktima.

Pahinumdom sa media

Magpahinumdum usab kini sa media nga mamahimong responsable ug angayang timan-an nga ang susama niini dili na hisgotan ilabi na kon ang kaso anaa na sa korte.

“Ang akong gipanawagan mga member sa media I don’t know kon gakaapil ba mo og mga seminars kung usa ba gyud ang inyohang responsibility as members of the media, when it comes to matters which already pending in court you should avoid discussing the merit of the case,” matud ni Uy.

Gidugang pa niini nga gipatago na ang kopya sa orihinal nga audio recording sa maong interbyu.

“Gipa-preserved na nako ang interview katong official gyud nga audio recording and then our prosecutors may bring this matter to court because in the first place ang the case is already in court,” dugang niini.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph