SUPERBALITA CAGAYAN DE ORO

LTFRB: Target sa 2020 wala nay kolorum

CAGAYAN DE ORO. Nagpahigayon ang LTFRB-Northern Mindanao og inventory sa mga taxi sa Siyudad sa Cagayan de Oro sugod Huwebes, Nobyembre 21, 2019 hangtod sa adlaw nga Sabado, Nobyembre 23, 2019 gikan alas 8 sa buntag ngadto sa alas 4 sa hapon. (Kris C. Sialana)

TARGET sa kadagkuan sa Land Transportation Franchising and Regulatory Board (LTFRB)-Northern Mindanao nga wala nay kolorum nga taxi ang magdagan sa Siyudad sa Cagayan de Oro sa tuig 2020.

Nagpahigayon ang LTFRB og inspeksiyon sa liboan ka mga taxi sugod Nobiyembre 21 hangtod Nobyimbre 23 adlaw nga Sabado sa Upper Carmen ning siyudad.

Gibutyag ni Regional Director Aminoden Guro sa LTFRB nga kabahin kini sa hugot nga kampanya nga hingpit na nga mahanaw ang mga kolorum sunod tuig.

“Part ni siya, I hope nga by 2020 ang taxi nato dinhi sa Cagayan de Oro wala nay kolorum nga gadagan nga taxi,” matud ni Guro.

Gidugang pa nga gawas sa pag-inspeksiyon nagmugna usab ang maong buhatan kauban ang lokal nga kagamhanan sa siyudad og Inter-agency Task Force aron pagsugpo sa mga kolorum.

“Well every now and then moporma kita og inter-agency task force, in fact atong city council nag request na sa Central Office nga unta butangan pud i-replicate og I-ACT sa Cebu, sa Davao ug sa Iloilo,” dugang pa Guro.

Nasayran nga anaa na sa kapin singkwenta ka mga kolorum ang nadakpan sa LTFRB ug na-impound sa Northern Mindanao ilabi na sa dakbayan ug Iligan City.

Kahinumdoman nga anaa sa 2,770 ka mga legal nga taxi ang nagdagan sa siyudad ug singko ngadto sa 10 porsyento o kapin kon kulang 300 niini ang kolotm.

Nanawagan usab si Guro sa mga operator nga moadto sa Upper Carmen hangtod sa adlaw nga Sabado alang sa ilang inventory gikan alas 8 sa buntag hangtod alas 4:00 sa hapon.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph