SUPERBALITA CAGAYAN DE ORO

Oro, MisOr pilot area sa Universal Health Care Law



GIKUMPIRMA sa Philippine Health Insurance (PhilHealth)-Northern Mindanao nga sa tibouk rehiyon, ang dakbayan sa Cagayan de Oro ug lalawigan sa Misamis Oriental ang pilot place sa full implementation sa Universal Health Care Law (UHCL) nga gikatakdang i-implementar karong Nobiyembre 21 ning tuiga.

Matud ni Dr. Jonathan Ortigoza, kinsa acting regional vice president sa PhilHealth-Northern Mindanao, nga 33 lang ka mga dakbayan ug lalawigan sa Pilipinas ang gikonsiderang pilot area sa pagpatuman sa UHCL ug sa rehiyon ang Cagayan de Oro ug Misamis Oriental lamang.

“All over the country there are 33 UHCL sites so in Region 10 (Norther Mindanao) there are two - Cagayan de Oro and Misor - so we are in frequent coordination with them together with the Department of Health (DOH) because this is a concerted efforts with the DOH,” matud niini ug miingon nga ang lokal nga kagamhanan maoy mag manage sa healthcare department ug sa health fund.

“Apart from our partnership of Department of Health, PhilHealth establishing closer ties with our LGU kay they will be the one managing the healthcare department, managing the special health fund,” matud niini.

Sa Cagayan de Oro ipatuman sa J.R. Borja Hospital samtang sa Misamis Oriental ipatuman kini sa walo ka provincial hospital nga andam na kaayo sa pag-implementar ning bag-ong balaodnon.

Ila sab gipasabot nga ang serbisyo sa UCHL mas gipalapad kon asa tanan Pilipino nahisakop ang maka-avail niini gikan sa pagpa checkup ug ngadto sa pagpa-opera ug adunay saktong suholan sa mga health practitioner.

Giklaro lamang niini nga kadtong mga empleyado aduna gihapon binulan nga bayran susama sa Philhealth.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph