SUPERBALITA DAVAO

Talento: Mistaken priorities

Panglantaw

MAAYONG adlaw, kahigalaan! Tungod duol na ang Pasko, nagsugod na pod og taas ang krimen sa palibot nato. Ang balay sa akong higala, gilungkab, ang eskwelahan pod gipanguha ang mga kopmpyuter ug ubang butang nga gamit unta kaayo sa mga bata sa ilang pagtuon. Wala nay pili ang pagpangawat karon busa mag-amping gayud kita, igsuon.

Usa sa mga rason nga sadya ang bulang Disyembre, igsuon mao ang mga kuwartang madawat sa mga mamumuo pinaagi sa 13th month pay, ug uban pang insentibo ug gasa gikan sa employer kon amo nila.

Tungod hisgutan nato ang kuwarta, mas nindot nga pangamdaman nato ang pagdawat niini aron dili kita mahimong “one day millionaire” nga ihurot og gasto iyang kuwarta sa kalingawan sulod sa usa ka adlaw, ug pagkaugma-pasmo kay hapay (dili happy) ang budget, bro.

Mistaken priorities kon sayop nga prayoridad atong lakbitan karon. Kung kahibalo kita sa atong mga prayoridad, mamahimo natong pangandaman ang umaabot, tama?

Sa Book of Haggai sa Bibliya, gisugid ang mga kalisdanan nga giagian sa mga Israelita kaniadto. Naghago sila og pagpanarbaho ug pagpanindot sa ilang mga kabalayan apan nahulog nga budlay kaayo alang kanila ang tanan. Ang kuwarta nga ilang hinagoan, daw mohalok sa palad kay bisan piyungan- HUROT gihapon tana. Makarelate ka?

Usahay morag ingon ani pod baya akong life. Bisan gabii nang dako-trabaho lang gihapon, Gani, sa tumang kabusy, mapasmo na apil ang bitok kay makalimot na og kaon.

Sakit sa kalawasa antuson kay lagi daghang bayrunon unya aduna pay alahas ug sapatos nga palitunon. Makabuta kay resibo na lang ang makitang daghan sa pitakaaaaaahhhhhhhhhh!!!

Seriously, gipamulungan ni propetang Haggai ang mga Israelita kaniadto kay nagpatuyang sila sa mga materyal nga butang ug kalipay nga hinakug lamang. GIKALIMTAN NA NILA ANG GINOO TUNGOD HAYAHAY NA ANG KINABUHI NILA, Bro.

Sa pagkinabuhi, kinsa ug unsa diay ang tagaan nato og hugot nga prayoridad? Sa mga ginikanan, ang anak gayud ilang bahandi, sa mga negosyante – ang ginansya, sa mga kabataan- pagtuon ug kalingawan, sa manag-uyab... ahemmm, sa mga politiko -ang boto ESTE ang pagpanerbisyo.

Ngano gani naay Pasko? Para kay kinsa gani ang kusog, talento ug panahaon nato? Unsa gani mas labaw’ng importante sa kinabuhi? TUBAGA, igsuon kay basig imo pod mapamalandungan ang angayang i-prayoridad nga matang nga molungtad dinhi sa kalibotan ug sa kalangitan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph