ANG gugma ko alang kanimo
Sama kalawom sa lapad nga lawod
Sama kabahi sa lig-on nga guod.
Ang kasingkasing kong nagmahal
Nagpitik alang kanimo lamang
Sukad pa sa higayon nga nabutyag
Ang gugma ko alang kanimo.
Wa nay lain pang mga bukton
Makahalog o makahawid kanako
Wa nay laing tam-is mga ngabil
Makahalad og mga halok kanako.
Ikaw lang ang binuhat nga gi-bathala ko
Tiunay ang mga panumpa ko
Nga molawig saylo pa’s eternidad.
Makanunayon akong mopangga
Ug mo-amuma kanimo lamang.
Matinud-anon ko sa akong saad
Nga ikaw lang ang higugmaon ko!