SUPERBALITA CEBU

Tambagi ko Noy Kulas: Duhay ‘asawa’

DEAR Noy Kulas,

Tawga lang ko og Sophie, taga Cebu. Ang akong dakong problema kabahin sa akong sitwasyon karon. Naa koy kaipon nga naa say kapuyo sa una. Naa silay upat ka mga anak while kami naa sad mi usa ka anak.

Ang akong problema kay ang iyang kaipon sa una sige og samok sa amoa. So, ang akong kaipon karon mag-ulian kada semana sa iyang kaipon sa una unya adto siya matulog. Gusto na ko mobiya niya pero sa iyang giingon mas ako ang gipili niya kay sa iyang kaipon. Ang iyaha lang mouli siya ngadto tungod sa mga bata pero adto matulog unya kuhaon pa niya sa trabahoan ang babaye. Unsay pasabot ana? Nahulog og gilumpong mi niyang duha kay di siya makabiya sa unang babaye niya. Di sad siya makabiya nako.

Unya bag-ohay lang nakabasa ko og post sa Facebook sa babaye about sa akong anak karon. Picture sa akong anak nga with caption nga makaulaw kaayo sa mga makabasa. Okay ra unta og ako pero the way man gud siya mang-istorya kay bastos kaayo.

Unsay akong angay buhaton, Noy Kulas? Pwede ba nako siya makiha sa side sa bata og child abuse? Unya makapadala siya og text sa akoa kay mga bastos kaayo og words. One time iya pa kong gibugno sa balay sa ginikanan sa lalake kay lage niuli mi sa ilaha probinsya kay naay occasion. Unya niapas siya ngadto ug namugno sa akoa. Unsay angay nakong buhaton ani, Noy Kulas? Unta matagad nimo ning akong problema.Salamat, Noy Kulas.

Sophie

Sophie,

Salamat sa imong suwat. Bag-ohay lang mi nag-banner og mga babayeng gikiha og cyber libel. Kon iya kang gisaway ug gidaut unya imong nakuha ang screen shot, mahimo na kaayo ning ebidensya batok kaniya. Kon parte sa imong anak, gawas sa cyber libel, makiha pa nimo siya og kasong child abuse kay imong anak ang iyang gipakauwawan pinaagi pa sa social media.

Biyai ang lalake nga amahan sa imong anak apan, pangayog suporta. Kon iyang giila ang inyong anak nga naa sa birth certificate, mosugot siya o di, imo siyang mapugos sa pagsuporta sa bata. Otherwise makiha gihapon siya nimo kon di siya mosuporta. Wa kay maayong mapaabot niya kon di kagubot ra sab. Sa mga mata sa tawo, ikaw ang nahimong dautan kay ikaw ang nisud sa ilang kinabuhi. Siya maoy swerte kay taboktabok sa duha ka mga babaye. Duna siyay pang weekdays nga mao ikaw. Unya ang kapuyong una maoy pang weekend.

Pag-ampo sa Ginuo nga hatagan ikaw og kusog ug kaisog sa paghimog desisyon nga makaayo kanimo ug sa imong anak.

Noy Kulas


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph