Gipresentar kagahapon sa buntag, Biyernes, Nobiyembre 22, 2019 kang P/Brig. Gen. Valeriano De Leon ang 204 ka mga tag-as ug mugbo nga armas sa Cebu City Police Office (CCPO) grounds atol sa ika-118 anibersaryo sa PNP Service Day.
Gikalipay sa heneral ang gipatuman sa kampanya sa kapulisan sa City Force Mobile Company (CFMC) sa pagpangdakop sa mga nagdala og mga ilegal nga armas.
Matod ni De Leon, ang gihimo ni P/Lt. Col. Randy Korret, pangulo sa City Force Mobile Company, usa lang ka pananglitan sa walay puas nga pagpatuman ngadto na sa kampanya sa ilegal nga armas.
Sa 204 ka mga armas nga anaa sa kustodiya sa CFMC, 14 niini ka mga short firearms ang gipangtahan tungod wala pa ma-renew ang lisensya. BBT