USA ka makalingaw nga gabii ang tapuk-tapok sa mga media practitioners, bloggers, influencers sa Mindanao subay sa aktibidad nga hatud sa Globe.
Apan, una pa man ang lingaw-lingaw, gihatagan una og pag-ila ang mga indibidwal nga pinaagi sa ilang trabaho, nakahatag og dakong impact sa komunidad.
Sukad 2012, ang Globe Media Excellence Awards (GMEA), nagrekognisa sa kontribusyon sa matag media practitioners sa mga balitang ilang nasuwat, nabalita sa telebisyon, radyo, print ug social media nga mikulit og dakong pahat diha sa panumduman ug kasingkasing sa naabtan niini.
Ang awards night gihimo, Nobyembre 21, sa dusitD2.
Ang SunStar Davao, usa sa gipasidunggan, diin nakuha niini ang Social Media Advocacy for Digital of the Year award tungod sa SunStar Dasig.
Ang produksiyon sa SunStar Dasig gipangunahan ni Ace June Rell Perez, SunStar Davao Social Media Strategist.
Luyo niini, nakuha sab sa kanhi editor-in-chief ug SunStar Davao columnist Stella Estremera ang Newsmaker of the Year.
Ania ang ubang mananaug:
1. Lina S. Reyes (News Report of the Year for Print)
2. Rey J. Garcia (Explanatory/Investigative Story or Documentary of the Year for Print)
3. Jeremiah Mari E. Diana (Explanatory/Investigative Story or Documentary of the Year for TV)
4. Ann Quileste (News Report of the Year for Radio)
5. Cherry Mhae Palicte (Breaking News of the Year for Digital)
6. Henrylito Tacio (Explanatory/Investigative Story of the Year for Digital)
7. Rhyndl Nephi-Z T. Luczon (Explanatory/Investigative Video Story of the Year for Digital)
8. Erwin MascariƱas (Photo of the Year for Digital)
9. Joey Yecyec (Environment Story of the Year)
10. Ma. Liza A. Jocson (Editor of the Year)
Human sa awarding, ang ikaduhang parte sa programa mao ang lingaw-lingaw.
Dinhi nagpasiklaban ang upat ka grupo sa media practitioners sa ilang cheer dance.
Grupong blue, red, green ug yellow, nga gilangkuban sa mga media men and women sa dakbayan nga all-out sa ilang dance moves.
Apan, ang dance routine sa Blue Team sa SunStar Davao ang mipataob sa mga kaatbang, ug subling nadepensahan sa grupo ang korona.
Ang team midawat og P70,000 nga premyo. Naangkon sab sa Byaheong DO30 ang P50,000 ug P30,000 sa Red Team. Samtang ang Yellow Team, may consolation prize sab nga nadawat.
Luyo sa pakontest, nahugyaw sab ang mitambong sa parlor games ug sa pa-raffle.