DUHA ka mga dagkong pelikula ang mag-salpukan sa takilya karong semanaha. Unsay type nimo horror o drama?
Pulos mga bigatin ang mga bida sa pelikulang “The Heiress” sa Regal Entertainment nga silang Maricel Soriano ug Janella Salvador nga istorya sa mga mama-marang kauban silang Sunshine Cruz ug McCoy de Leon.
Samtang sa “Unbreakable” sa Star Cinema duha ka drama queen ug best actress ang mag-uban nga silang Bea Alonzo ug Angelica Panganiban nga istorya sa friendship ug ubang kadramahan kauban silang Richard Guttierez, Ian Veneracion ug Gloria Diaz.
Sa Nobiyembre 27, ang showing sa duha ka mga pelikula. Kon kinsa ang mag-hit sa takilya ato lang atangan, ay’g saba!
Grabe sab ning “Kadenang Ginto” kay nagkadugay nagka-intense ang mga eksena ug daghang grasya ang niabot nila.
Ang mga bida nga silang Dimples Romana, Beauty Gonzales, Francine Diaz ug Andrea Brillantes may mga komersyal na. May pagkaon, shampoo ug sabon nga ilang gi-indorso karon.
Gawas niini may mga pelikula usab nga gibuhat ang mga bidang si Daniella ug Romina.
Karon silang Francine Diaz, Andrea Brillantes, Kyle Echarri ug Seth Fedelin magtigi sa movie nga makita sa iWant app.
Sila karon ang nailang “Gold squad” nga gisundan sa seryeng “Kadenang Ginto” ug ginuntan nato sa social media.
Ang “Wild little love” nilang Andrea Brillantes ug Seth Fedelin uban nilang Carmina Villaroel, Alfred Vargas, Victor Neri ug ultimate bida man Jin Macapagal. Ug ang “Silly Red Shoes” nilang Francine Diaz ug Kyle Echarri uban nilang Herbert Bautista ug Ana Luna. Duha ka pelikula ang magtigi kon kinsa ang mas hugopan siguradong winner gihapon ang gold squad.
Karon pa lang malipayon na kaayo ang taga suporta sa duha ka loveteam sa back to back nila nga movie, unsa pay dugayan iWant na, ay’g saba!