SUPERBALITA CEBU

Lakers nakaipsot sa mga kuko sa Memphis

NAKAIPSOT ang Los Angeles Lakers sa dako untang pagpakurat sa Memphis Grizzlies human makulit niini ang pungasi nga kadaugan, 109-108 sa National Basketball Association (NBA), Dominggo, Nobiyembre 24.

Tataw nga nakabaton og kakapoy tungod sa sunodsunod nilang duwa, ang Lakers migamit sa ilang eksperiyensiya batok sa batan-on nga Grizzlies aron labnuton ang ilang ikapita nga sunodsunod nga kadaugan ug sa samang higayon girehistro ang 13-2 nga baraha alang sa unang luna sa overall standing.

“We just kept our composure,” matod ni James. “That’s what we do. We are a very resilient team.”

Diha pa untay kahigayonan nga makuha sa Grizzlies ang kadaugan sa katapusang 1.3 segundos, apan tungod sa hugot nga depensa Lakers nakakomiter kini og krusyal nga error.

Si James mitapos sa dowa nga may 30 puntos, si Anthony Davis midugang og 22 samtang 14 puntos gikan kang Rajon Rondo ug 12 puntos usab ang kang Kentavious Caldwell-Pope.

Sa laing duwa, moligwat og unom nga tres ang Filipino-American nga si Jordan Clarkson kinsa adunay 28 puntos sa dihang gibuntog sa Cleveland Cavaliers ang Portland Trail Blazers, 110-104.

Midugang og 25 puntos si Tristan Thomspon samtang 11 puntos ug 12 ka rebounds ang nahipos ni Larry Nance Jr. kinsa maoy napuli sa luna ni Kevin Love kinsa nagpaalim pa sa pagpanakig sa iyang buko-buko.

Ang defending champino Toronto Raptors mipatugdong usab sa Atlanta Hawks, 119-116, ubos sa pagpangulo ni Pascal Siakam nga may 34 puntos ug 25 usab ang nahimo ni VanVleet.

“That’s the name of the game,” ingon ni VanVleet. “We track how many consecutive stops we got. We came out of the half and had two stops, two 3s and just built from there.” (JBM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph