Sorry: PHISGOC

TAN-AWA: Makita kining hulagway sa Timor-Leste nga na-post sa Asean Football News samtang nagpaabot sa bus nga mokuha kanila gikan sa Manila International Airport.  / Hulagway iya sa Asean Football News
TAN-AWA: Makita kining hulagway sa Timor-Leste nga na-post sa Asean Football News samtang nagpaabot sa bus nga mokuha kanila gikan sa Manila International Airport. / Hulagway iya sa Asean Football News

CUBAO, Quezon City - Nangayo og pasaylo ang Philippine Southeast Asian Games Organizing Committee (PHISGOC) kagahapon ngadto sa pipila ka international football teams nga nakasugat og mga kakulian sa ilang paghiabot sa nasod sa miaging adlaw.

Ang nasugatang mga problema sa bisitang football teams partikyular sa transportasyon nga maghatod kanila sa ilang hotel kapuy-an ningkatap dayon sa social media.

“We sincerely apologize to our athlete guests from Timor-Leste, Myanmar and Cambodia for the inconvenience caused to them by the confusion regarding their transportation and hotel arrangements,” opisyal nga pamahayag ni PHISGOC chief operating officer Ramon Suzara nga napatik sa GMANews.TV.

“While PHISGOC strives to ensure proper coordination of the arrival details, airport welcome and transportation provisions of all international teams to their respective assigned hotels, we acknowledge our shortcomings in this particular incident and vow to do better.”

Ang Timor-Leste football team naghuwat og ipila ka mga oras sa Ninoy Aquino International Airport (NAIA) una naabot ang mga bus nga ilang kasakyan.

Ang nakapait pa, gihatod sila sa dili maong hotel nga nakadugang sa kahasol.

Gibutyag sa PHISGOC nga ang kausaban sa mga detalye sa paghiabot sa Cambodia team ulahi na sab nga napadangat ngadto sa Games Services Department nga maoy rason nga nalangan sab ang pag-asikaso sa ilang akumodasyon.

“Instead of the arrival time initially relayed to PHISGOC, the Cambodian team arrived in NAIA at 4AM. Transportation was immediately provided, but since their hotel rooms were not yet available because the standard check-in time is 2PM , PHISGOC requested that the team be allowed to wait at an air-conditioned private hotel conference room with tables and chairs where the members could rest and feel comfortable while waiting for their rooms,” pasabot sa Suzara.

Dugay sab naghuwat ang Myanmar team sulod sa airport unya mireklamo kini nga dili sila komportable sa ilang gisakyan nga mga bus gumikan kay gagmay kini.

Sa laing bahin, ang defending champion Thailand mikanselar sa premiro untang adlaw nila nga training sa Pilipinas gumikan sa pagkalangan sa pakuha sa identification cards sa ilang mga atleta sa NAIA.

Pinaagi sa Instagram, ang grabe ka huot sa trapiko sa Metro Manila maoy usa sa hinungdan nga gikanselar nila ang ilang training.

Ang 2019 Southeast Asian Games opisyal nga sugdan karong Nobiyembre 30. (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph