TULO ka mga giila nga high value target (HVT) sa dakbayan sa Talisay ang nasikop tiungod sa subsob nga operasyon gikan niadtong Biyernes sa gabii, Nobiyembre 22, hangtud sa Sabado sa kaadlawon, Nobiyembre 23.
Diin nasakmit sa operasyon ang moabot sa kapin P300 mil nga balor sa ilegal nga drugas.
Kini pinaagi sa gihimo nga pagpatuman sa search warrant nga kabahin sa mga programa ubos sa Oplan Limpyo Talisay.
Si Police Major Gerard Ace Pelare, hepe sa Talisay City Police Station, nibutyag nga gihimo ang nga operasyon human nakakuha’g upat ka search warrant nga gi-isyu ni Judge Jacinto Fajardo, Jr. sa Regional Trial Court (RTC) branch 66.
Unang nasikop si Dioverlyn Briones, 27, taga sitio Salvador, Barangay Tangke, atol sa pagapatuman sa search warrant, alas 10:45 niadtong Biyernes sa gabii, Nobiyembre 22.
Diin nakuha gikan ang nga pinakete sa shabu nga gibana-banang’ mokantidad og dul-an sa P105 mil .
Alas 12:45sa Sabado sa kaadlawn, Nobiyembre 23, nasikop usab dayon si Maissa Rosco, 29 , sulod usab sa panimay niini sa sitio neighborhood, Barangay Tabunok.
Matud ni Pelare nga nabilanggo na si Rosco kaniadto tungod gihapon sa pagpamaligya sa ginadili nga drugas ug nakaangkon sa kagawasan human nakakuha sa plea bargaining agreement.
Apan giingon nga nibalik kini sa susama nga ilegal nga negusyo. Nakuhaan hikam sa posisyon ni Rosco ang mga pinakete sa gituohang’ shabu nga mobalor sa P167,280.
Duha ka oras ang nakalabay sa gipatuman sa Talisay Police ang search warrant batok kang Rolly Sabroso, 29, sa sitio Ilang-Ilang, Barangay Lagtang sa Talisay.
Diin nakuhaan kini og nga pinakete sa shabu nga adunay kantidad sa P108 mil.
Pasado alas 4:00 sa kaadlawon, padayon nga gi-serve sa mga pulis ang ikaupat nga search warrant batok kang Emeliano Ranghos alyas Teting, 43, apan nakasibat kini uban ang asawa.
Nakuha hinuon sa operatiba ang mga giduadahan nga shabu sa silod sa ilang panimalay nga adunay ddb value nga P37,400.
Matud ni Pelare nga gihimo nga posibleng gihimo usab nga drug den ang balay ni Ranghos, human nga lima ka mga menor de edad ang ilang na-rescue sa maong lugar.
Dugang ni Pelare nga hugot nila gipatuman kining mga programa paggukod sa mga mamaligyaay og drugas diha sa Syudad sa Talisay, ilabi na ning padung ang pasko, nga gituohan nga mogara usab kini sa ilegal nga transaksyon.
Ang mga dinakpan ang gikatakda nga pasakaan og kasong’ kalapasan sa RA 9165, karon, Lunes, Nobyembre 25.
Ang Tangle maoy mabaniog nga naghitak ang nesosyo sa gidiling drugas kaniadto apan nihnay na sa pagka karon human gitutokan sa pagbantay sa awtoridad apa dunay ginagmay gihapon nga pagpalubo sa naasoy ning taho.
Samtang, ang Oplan Limpyo Talisay uban sa maabtik nga liderato ni Pelare sa kapulisan nga daghan nang kalamposan nga nahimo.
Dili pa lang dugay, ang kalihokan sa drugas duol ug sulod sa merkado publiko sa Tabunok ang nasakan sa mga kapulisan, usa ka batan-ong dinakpan nikompirmar sa bahin sa shabu sulod sa merkado sa Tabunok.
Si Pelare usa sa mga hepe sa Cebu Provincial Office (CPPO) nga aktik sa kampanya batok sa gidiling druga. (FMD)