GISUNOG ang ubay-ubay ka mga ginadiling druga nga natigom sa mga operasiyon sa tinugyanan sa Philippine Drug Enforcement Agency (PDEA)-Northern Mindanao niatong Nobiyembre 22 sa pasilidad sa Holcim Philippines Incorporated nga nahimutang sa Lugait, Misamis Oriental.
Anaa sa suma total nga P44,633,174.56 ang tanang ilegal nga druga nga natigom sa maong buhatan.
Giingong ang maong mga natigom nga ilegal nga druga gikan sa bulan sa Marso 2019.
Gibutyag ni Regional Director Wilkins Villanueva sa PDEA-Northern Mindanao nga dayag sa publiko ang ilang mga operasiyon ug gani dunay mga sakop sa prensa, Department of Justice, opisyal sa barangay ug uban pa nga saksi atol sa ilang operasiyon ug hangtod na sa pagsunog niini.
"Ang Region 10, pinaagi sa Philippine Drug Enforcement Agency (PDEA), transparent mi in handling our all dangerous drug evidence," matud ni Villanueva.