SUPERBALITA CEBU

Simbahan sa Palompon gipinturahan

PAGTANGTANG sa telon nga nagbitay sa kisame, naka-wow ang mga parokyano sa St. Francis Xavier Parish sa Palompon, Leyte sa ilang nakita.

Nakaplastada sa kisame tungod sa altar sa St. Francis Xavier Parish ang “Last Judgment” nga gipintura sa grupo nga gitawag og Dibuho Kisame Crew (DKC).

Tipik lamang kini, kay ang tibuok kisame sa St. Francis Xavier Parish ang pinturahan sa DKC.

Dako pa ang trabahuonon sa DKC nga gipanguluhan ni Aris Avelino Pastor. Gipakita ang tipik lamang sa proyekto niadtong Nobiyembre 22, 2019.

Pag-ila-ila

Si Rev. Msgr. Jaime Villanueva, kura sa St.Francis Xavier Parish, nakaila sa DKC pinaagi sa rekomendasyon sa Parish Pastoral Council nga nakasaksi sa dibuho niini sa kisame sa Saints Peter and Paul Parish Church sa lungsod sa Bantayan, Bantayan Island, Cebu.

Kasagaran sa mga artists sa Dibuho Kisame Crew lumad nga taga Palompon.

Isip usa ka Palomponganon, si Pastor, ang lead artist sa DKC, miadto dayon ni Villanueva human kini makadawat og balita gikan sa iyang mga iyaan sa Palompon.

“Ni-report dayon mi oy kay naganahan na mi sa environment sa ceiling painting ba at the same time ma-train mi og maayo,” matod ni Pastor.

Ang St. Francis Xavier Parish natukod niadtong 1690s, base sa kasaysayan nga gisuwat ni Fr. Antonios Malenski, usa ka Heswita nga pari nga taga Czech Republic, niadtong 1736.

Ang maong simbahan gama sa bato ug ang kombento nga ginama sa kahoy nagbarog na, sigon ni Villanueva.

Sa wala pa nahitabo ang World War 2, ang mga bongbong sa simbahan puno sa mural paintings.

Atol sa WW2, ang maong simbahan gibombahan ug naguba ang pipila ka parte niini. Karon, daghang parte sa simbahan nailisan na og modernong gamit.

Last Judgment

Ang pagpintura sa kisame sa simbahan sa Palompon usa sa mga legasiya nga ibilin ni Villanueva ngadto sa mga taga Palompon sa dili pa mahuman ang iyang termino.

Inspirasyon sa painting mga makita ibabaw sa altar mao ang “Last Judgement” ni Francisco Malenski, usa ka inila nga pintor gikan sa Espanya. Gisagulan na kini sa mga ideya ug interpretasyon sa Dibuho Kisame crew.

Matod ni Villanueva nga ang pagbukas sa maong painting gidipekto ang “glorious part” sa the Last Judgment.

“Ang Last Judgment part ni. Diha atong makita ang Holy Trinity, si Jesus, Holy Spirit, ang luyo niana nga mga puti mao kana ang 12 Apostles, nya ang tua sa ibabao mao na ang communion of saints.

Mao na ang gibutang sa Apocalypse sa robe in white,” matod ni Villanueva.

Kining maong pintora mao ang pangulong bahin sa Artivulation project ni Villanueva.

Damgo ni Villanueva nga ang tibuok nga kisame puno og pintura sa nagkalain-laing events gikan sa Bibliya, ang kinabuhi ni Jesus, ang kinabuhi ug lihok ni St. Francis Xavier, ang Moros Seige sa Palompon ug ang mga milagro niini.

“Kaning sa center kanang mga biblimatic themes. Didto sa right wing ang life ni Jesus Christ, sa left wing ang life ni St Francis xavier,” matod ni Villanueva.

Sa maong pintura nagpakita sa porma sa arte ug ang istorya sa lungsod sa Palompon.

“Didto sa ubos sa choir loft is the Great Saints of Palompon, diin giatake sila sa Moros for five days nga naka-withstand sila sa attack nga sunogon sa Moros ang tulo ka purtahan. Nya aduna kunoy tulo ka tabay sulod sa simbahan, mao ilang gigamit pagbubo aron dili masunog ag simbahan,” dugang ni Villanueva.

Mahuman ang Articulation Project ni Villanueva sulod sa 10 ka buwan, ug ipakita kini sa Setyembre 2020.

Ang mga artists

Walo ka mga artists ang nagtinabangay sa pagpintura sa kisame sa simbahan sa Palompon.

Kadaghanan nila taga Palompon ug ang tulo taga Bantayan.

Matod ni Pastor, adunay kalahian sa pagpintura sa simbahan sa Bantayan ug sa Palompon.

Kada simbahan adunay lain-laing santos nga patron. Kada simbahan adunay iyahang highlight.

Naghisgot sab si Pastor nga ang kisame sa Bantayan church lapad ug taas samtang sa Palompon mubo kini.

Nagpasabot nga ang ilang paintings kinahanglan nga mas detalyado ug pino.

Sa laing bahin, wala gipressure sa Dibuho Kisame ang ilang kaugalingon apan gidawat nila ang maong oportunidad aron ipagawas ang ilang creativity, maglingaw lingaw sa ilang gibuhat og magkat-on sa ilang bag-ong kanbas.

“Life’s gonna be awesome if we are creative,” sigon ni Pastor.

Dugang niya nga ang maong oportunidad nagtabang sa simbahan ug sa palomponganon aron makabaton og mas lawm nga pagsabot sa bibliya ug sa kasaysayan sa simbahan apan sila isip nagdibuho sa kisame makakat-on sa pagsabot sa ilang pagtuo ug pag- usab sa ilang kaugalingon aron mahimong maayo nga tawo sa katilingban.

“For now, maybe we are not that perfect but if we don’t stop and we keep on pushing beyond the limitations maybe we are going to bloom into something like pink lotus,” sigon ni Pastor.

Donations alang sa Dibuho Kisame: Ang ceiling painting ug mga aritikulasyon nga project ug ang pagkompleto sa side extensions ug electrical wiring sa simbahan mag-raise of funds ngadto sa P7 million.

Ang donasyon mamahimong direkta nga ihatag sa opisina sa parish priest o i-deposit niini nga bank account.

PNB Account Number 313910070190 Jaime Villanueva (parish priest) ug Jeanelyn Apolinar o Zacarias Capendit Jr.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph