SUPERBALITA CEBU

Pres. Duterte motambong sa Sinulog 2020?

SI MAYOR Edgardo Labella nipadayag nga posibling motunga si Presidente Rodrigo Duterte sa umaabot nga Sinulog sa dakbayan karong Enero 19, 2020.

Ang mayor nipadala na og suwat para sa pormal nga imbitasyon ngadto sa Malacañang sa miagi pang buwan.

“Yes, I have sent a letter to the President and I think he’s going to attend the Sinulog 2020,” padayag ni Labella bahin sa imbitasyon.

Laing very important person kun VIP nga gipaabot nga motambong sa labing grandiyusong kulturanhong kalihukan sa City Government mao si Senator Christopher Lawrence “Bong” Go kinsa suod usab nga higala ni Secretary Michael Dino.

Kon makatambong si Duterte atol sa kalihukan, kini maoy labing unang pagtambong ni Duterte sa Sinulog human siya niasumir isip pangulo sa nasod.

Katapusang adunay pangulo sa nasod nga nitambong sa Sinulog, niadto pang tuig 2012 dihang giimbitar ni kanhi Mayor Michael Rama si kanhi Presidente Benigno Aquino III sanglit kaalyado pa sila niadtong panahona.

Niadtong tuig 2015, si Aquino nipili kang kanhi Mayor Tomas Osmeña isip standard bearer sa Liberal Party atol sa eleksyon niadtong tuig 2016 diin si Rama napukan. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph