NAKUGANG ang mga ahente sa Philippine Drug Enforcement Agency (PDEA) 7 tungod sa ilang diskubrehan nga duwa-anan sa online E-Bingo sa Sityo Mahayay 2, Barangay Calamba, siyudad sa Sugbo kagabii, Nobiyembre 24.
Ang atubangan duwa-anan bingo apan ang luyo gihomong drug den o suyopanan.
Si Leia Alcantara, tigpamaba sa PDEA 7 miingon nga atol sa pagronda, lima ang mga durugista ang nadakpan, usa niini babaye.
Ang target sa gronda mao si Daisy Ordez alyas Ondong nga usa ka lalaki, 38,ug molupyo sa Barangay Capitol Site.
Samtang laing upat ang nadakpan nailhan nga sila: Nicolas Ubas, 18; Rosebert Galanto, 43, pulos molopyo sa dan A.Lopez, Barangay Calamba. Paxson Sara, 27, taga taga dan V. Rama ug Nimae Paller, 19, taga Barangay Calamba.
Nasakmit sa maong anti drug operation ang moabot na sa P102 mil nga balor sa shabu.
Matud ni Alcantara nga si Ordes nasuta nga adto mag kuhaanan og shabu apan miabot ang malas human nga nag duwa una og bingo ug wala pa molakaw human nga nagkompra og shabu.
“Kung wala palang siya nag duwa posibleng dili to madakpan,” matud ni Alcantara.
Ang mga dinakpan kasamtangan una gi priso sa PDEA -7 Regional Office samtang nagpaabot sa tukma nga kaso.