Bag-ong format sa NBA sundon sa 2021-22 season?

MIHINAYHINAY na og kahayag ang tinguhang kausaban sa National Basketball Association (NBA) ubos unya sa bag-ong format nga iduso ni commissioner Adam Silver kinsa naglaraw nga kuhaan ang mga duwa sa regular season.

Gikan sa 82 ka mga duwa sa matag team himuon na lang kini nga 78.

Laing plano mao ang seedings sa playoffs diin tapuon na tanang top 16 sa overall standings nga dili na magdepende kon asa siya nga conference o division.

Ning maong format, hayan mag-abot sa NBA finals ang team nga pulos gikan sa Western Conference o kaha sa Eastern Conference. Apil usab sa laraw ang pagpahigayon og mid-year tournament.

Hinuon, tukion pa og maayo sa board of governors sa lega karong Abril sunod tuig kining maong plano ilabi na ang pagpa-us-os sa mga duwa sanglit makaapiktar kini sa income sa team.

Kon mauyonan, sugdan kini sa pag-implementar sa 2021-22 season. (JBM)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph