ANG 15-ka miyembro sa Batang Pinoy delegation gikan sa Indigenous Peoples community sa Davao del Norte anaa karon sa Manila human ang Philippine Sports Commission naghost og pipila ka volleyball exhibition games sa Ynares Arena sa Pasig City.
Gilangkuban sa 10 ka secondary girls players gikan sa Ata-Manobo tribe, duha ka coaches, duha ka chaperon ug school administrator, ang delegasyon miabot niadtong Dominggo sa hapon sa Manila.
Ang Talaingod girls miabot didto subay sa imbitasyon ni PSC Chairman William I. Ramirez nga milantaw kanila nga miduwa atol sa gold medal match sa Batang Pinoy Mindanao qualifying sayo ning tuig, diin ang opisyal mibilib sa abilidad sa mga magduduwa.
Si PSC Commissioner Charles Raymond A. Maxey, nga nag-atiman sa Mindanao, nagkanayon nga ang PSC naghost og "exposure" alang sa Talaingod girls volleyball team isip parte sa mandato sa ahensiya nga i-aswat ang grassroots sports program ug tumanon ang mando ni Presidente Rody Duterte nga "inclusive sports program."
"This exposure is part of Chairman Butch Ramirez's instructions to provide a good exposure and experience for the team which can help them develop their skills in their sport," ni Maxey.
Ang komisyon nakigpartner sa Rebisco Volleyball League organizers alang sa exhibition games.
Ang Talaingod girls volleyball team may naka-iskedyul nga exhibition games tali high school teams gikan USA-Hawaii ug Thailand.
Isip suporta, ang miyembro sa Talaingod girls volleyball team midawat og sports equipment sama sa sapatos ug shirts gikan PSC Chairman.
Sila sab may allowance, libreng akomodasyon ug transportasyon.
Si Arlyn Murillo, nga school administrator sa Talaingod ug in-charge sa delegasyon nagpasalamat sa kamaayo sa PSC.
"The girls trained for these games. We will see how they will fare out," niya.
Ang Talaingod girls volleyball team midaug og silver medal sa Batang Pinoy National Finals sa Puerto Prinsesa, Palawan niadtong Agosto. Midaug sab sila og gold medal sa Batang Pinoy Mindanao leg. (PR)