MAY early Valentine treat ang real-life sweethearts nga sila Daniel Padilla ug Kathryn Bernardo sa ilang mga Dabawenyo fans.
Sa unang sabak sa 2020, moariba sab ang duha dinhi sa dakbayan, alang sa Kathniel Live in Davao.
Ang concert himuon sa Enero 31, 2020 sa SMX Convention Center.
Excited na ang KathNiel fans sa pagbisita sa ilang idolo dinhi nga kapila ka beses na sab midalikyat sa dakbayan, apan kini ang unang higayon nga sila mohimo'g concert.
Special guest sab sila Karla Estrada, Wacky Kiray, DJ Jai Ho ug YAya Doris.
Suma pa official ticket outlet ang HAGTAGS Printing and Advertising Services diha sa 3rd Floor, GMall of Davao JP Laurel Ave., Davao City.
Di kini ang unang higayon nga nag-uban sa concert ang duha, diin sagad niini sold-out.
Luyo sa sold-out concerts, bongga sab ang hatak sa ilang mga movies ug serye sama sa "Princess and I," "She's Dating The Gangster," "Barcelona: A Love Untold," ug "The Hows of Us."