SUPERBALITA CEBU

CCPOC nagtukod og bag-ong komitiba

(SunStar foto/ Fe Marie Dumaboc)

MGA miyembro sa Cebu City Peace and Order Council (CCPOC) nagtapok kaganihang hapon sa Martes, Nobyembre 26, sa ilang unang tigum.

Ang CCPOC, nga gipanguluhan ni Mayor Edgardo Labella isip maoy chairman, uban na na ang taga Departmemt of Interior and Local Government (DILG-7), kadagkuan sa Cebu City Police Office, sa Central Command, Philippine Drugs Enforcement Agency (PDEA-7) ug uban pa.

Gitug-an ni Labella nga usa sa unang natuki ang may labot sa mga pamaagi nga mopasar na ang CPOC sa dakbayan sa Sugbo, human nga sa niaging duha ka tuig hagbong kini sa POC Performance Audit sa DILG.

Sa 2017, ang National passing rate alang sa mga syudad niabot sa 62.45 percent, apan ang Cebu City ang anaa lang grado nga 21.40 percent.

Hagbong gihapon kini sa 2018 kansang grado 58.69 percent, kay ang passing rate 80.16 percent.

Hinungdan nga pipila sa mga resolusyon nga ilang gipasar dayon sa unang panagtigum mao ang 'Creating Special Action Committees on Anti- Insurgency and Preventing Violent Extremism, Anti-criminality, Public Safety and Crisis Management'.

Gi-aprubahan usab ang mga resolusyon nga alang sa katukuran sa Peace and Order and Public Safety Plan Technical Working Group.

Lakip sad sa giaprobar mao ang resolusyon nga nag-langkob sa the Bureau of Jail Management and Penology, Bureau of Fire Protection ug National Police Commission isip mga miyembro sa CCPOC.

Ug ang resolusyon nga quarterly ang ilang himuon nga tigum alang sa CCPOC.

Giangkon ni Labella nga sa gihimo nga report, walay problema sa insurgency sa syudad sa Sugbo, apan anaa gihapon ang problema sa ginadilo nga drugas.

Usa sa ilang nauyunan sa hepe sa CCPO Col. Geovanie Maines ang aktibo nga pakig-alayon sa Cebu City government, lakip na sa kabarangayan hangtud na sa mga molupyo diha sa ilang mga programa batok sa ginadili nga drugas. (Superbalita Cebu)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph