PARA nako maayong kalamboan ang panag-away ni Bise Presidente Leni Robredo ug Presidente Rodrigo Duterte aron makita ang katag kon unsa ang gitagoan sa administrasyon ni Duterte, nga dili ihatag ang mga pangan sa high value target sa mga sindikato sa illegal nga drugas.
Mihulga man gud si Robredo, nga sud sa 19 ka adlaw niyang kampanya batok sa illegal nga drugas sa wa pa siya gitangtang daghan kini og nahibaw-an tungod sa panag tigum sa mga law enforcement agency
Gihimo sa Bise Presidente ang pagpanghulga human gitangtang ni Duterte, isip co-chairperson sa Inter-Agency Committee on Illegal Drugs.
Gumikan niini daghan ang nakalitan ug nangalipay sa pagsukol ni Robredo, kay naila man ang Bise Presidente nga dili pala-away.
Nakapangutana gud si Robredo: unsay gikahadlukan sa kampo sa Presidente nganong dili man ihatag ang mga pangan sa high value target?
Kon imong sabton ang mga linyada sa mga pangutana ug birada ni Robredo ngadto ni Duterte, nagduwa og kayo ang Malakanyang?
Buot pasabot nga dunay gipili ang paggukod batok sa mga durugista ug ang tinuod nga mga sakop sa sendikato sa drugas Sama sa Triad wa hilabti?
Duna rabay mga representante sa UN ug Amerika sama sa Federal Bureau on Investigation (FBI) ang nakombensir ni Robredo.
Delikado nga mao kini ang gisaligan ni Robredo sa iyang kaisog sa pagsukol na karon batok sa Presidente human nagpaka hilom.
Gubot pa unya kini sa lukot ang mapaabot natong dakong away ni Robredo ug Duterte.
Basta di lang sagulan ni Robredo oog pulitika ang ilang away karon ni Duterte ug unya mabisto ang mga tinunto sa kampanya sa drugas, mahimong bayani ang bise presidente.
Way lalis daghan man sab og mga maayong programa nga nahimo ang gobyerno ni Duterte.
Apan delikado ang sitwasyon karon ni Duterte sa pagsud sa Amerika ug UN. Nakuha man gani si Iraqi President Saddam Hussein ang labing gamhanan nga presidente sa tibuok kalibotan.