ANTI-Sexual Harassment Act of 1995 hayan ipasaka ngadto sa Office of the City Prosecutor batok kang Lorenzo Basamot, usa sa mga division head ubos sa Department of General Services human siya pasakaig reklamo tungod sa giingong sexual harassment ngadto Cebu City Legal Office.
Si Basamot, kanhi Kamputhaw barangay captain ug karon pangu sa Records and Archives Management Division, gipasakaan og kaso base sa managlahing notarized affidavit sa tulo ka complaints.
Si City Attorney Rey Gealon niingon nga nagpahigayon karon sila og administrative investigation sa harassment case.
Si Cebu City Mayor Edgardo Labella niingon nga hayan si Basamot mag-atubang og preventive suspension kon ang ebidensya lig-on, kon ang pagpabilin sa respondent makaapekto sa imbestigasyon batok kaniya ug kon ang reklamo batok kaniya maisip nga grave misconduct.
Apan niingon si Labella nga maghuwat siya sa rekomendasyon sa City Legal Office.
Way kalabutan
Samtang sa iyang privilege speech sa regular session sa Konseho sa Martes, Nobiyembre 26, 2019, si Cebu City Councilor Niña Prisca Mabatid niklaro nga wa siya mohangyo sa complainants sa pagsibog sa ilang complaint.
Gani iya pang giawhag ang complainants sa pagkiha kay di angay nga palabyon ang bisan unsa nga klase sa pangabuso batok sa kababayen-an.
Ang pasangil, matod niya, dunay bulok pamulitika.
Iyang gipasanginlan si Apan councilor Ramil Ayuman nga maoy naghimo niini.
Si Ayuman, sa iyang habig, niawhag kang Mabatid sa pag-resign. (JJL)