Unang LED Christmas tree sa Davao, gipasiga na

KINSA ba ang wa makadumdom sa iconic nga Christmas Tree sa unang mall sa Davao City, ang Victoria Plaza?

Halos tanang Dabawenyo ug bisita sa dakbayan, may memories sa maong punuan nga mogilak-gilak sa kadalanan sa JP Laurel Avenue matag Pasko.

Apan, sa pag-take over sa New City Commercial Center (NCCC) isip bag-ong management sa Victoria Plaza, mas level-up nga Christmas tree ang gidalit nila sa mga Dabawenyos.

"It's a girft ng management for the Dabawenyos. The management want to give something unique, and eto yun, ni Desiree Dawn Maglanoc, Marketing Mall Supervisor sa NCCC Mall-VP.

Ang Christmas Tree may gitas-on nga 12.8 meters gamit ang 372 led throb lights.

Kini naggamit sa teknolohiya sa LED video mapping o naila sab nga projection mapping. Gitawag sab kini nga spatial augmented reality. Kini ang pagpakita sa visual animations sa nagkadaiyang elemento ug arkitektura nga makita nimo sa mga concerts, shows ug uban pa.

Nasayran nga mikuha pa og langyaw nga expert aron maplastar kining ispesyal nga Christmas Tree.

Gidugang ni Maglanoc nga sugod Disyembre 1, masaksihan ang ilang weekend light show nga mopakita sa nagkadaiyang istorya sa Pasko ug icon,s sama sa Christmas in France, Christmas in Russia ug Christmas in South Africa.

Sa pikas bahin, mohimo sab og anniversary benefit show concert ang NCCC subay sa ilang 41st Anniversary sa Disyembre 1.

May concert ang bandang Slapshock sa Disyembre 1 sa NCCC Mall VP Parking area, 7PM.

Sa samang petsa sab magconcert sila Elaine Duran ug Ashley Tan sa NCCC Mall Buhangin.

Gibutyag ni Maglanoc nga parte sa kitaon sa anniversary benefit show ihatag nila sa mga biktima sa linog sa Mindanao.