Mi-overtake nabangga, patay

PATAY ang usa ka lalaki human nabanggaan og trailer truck sa Zone-3, Barangay Cugman ning siyudad sa Cagayan de Oro.

Giila ang biktima nga si Tristan Jay Abella, 24, ulitawo, taga Zone 18, Iponan ning siyudad.

Sa impormasiyon gikan sa kapulisan sa Police Station 10 (PS10) sa Cugman gikabutyag nga nag-una ang trailer truck ug ni-overtake ang gimanehong motorsiklo ni Abella apan natumba kini.

"Natumba siya padung sa left side, iyang motor didto ra daplin, iyang lawas ug iyang ulo didto nakapadung sa gi-agian sa trailer truck, so naligsan gyud siya," pahayag ni Police Staff Sergeant Noel Perpetua sa interbyu sa usa ka sibyaan.

Giingong nakapaingon ang lawas niini diha sa gi-agian sa maong sakyanan rason nga naligsan ang ulo sa biktima.

Naka helmet si Abella apan maayong pagkabuak niini.

Ang patay nga lawas ang gi-atiman na sa nahabiling pamilya samtang ang drayber sa trak ang kasamtangang anaa sa kustodiya sa kapulisan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph