MILAMPOS ang kapolisan sa pagpahigayon og drug buy-bust operation mga alas 3:40 sa hapon Nobiyembre 25, sa Zone 16, El Salvador City, Misamis Oriental.
Ang operasyon gipangunahan ni Police Lt. Colonel Randy Tecson hepe sa El Salvador Police Station nga miresulta sa pagkasikop ni Loue Mel de Leon, 30, minyo, usa ka taxi driver.
Narekober sa posisyon niini ang duha ka pakete sa gitouhang shabu nga giputos og itom nga papel, usa ka P500 nga drug bust money ug laing mga gagmayng pakete sa gitouhang shabu.
Ang body search lakip pag-marking ug imbentaryo gi-witness ni Barangay Chairman Arnold Macarandan.
Nasayran nga taod-taod na nga gi-monitor sa kapolisan ang kalihokan niini ug giingong ang transaksyon giingong himoun sulod sa gidrayban niini.
Tanang nakuha nga ebidensya ang dalahon sa crime laboratory alang sa masusing eksamin samtang kasong kasupakan sa RA 9165 kon Dangerous Drugs Act ang atubangon sa suspetsado.