Juday, confirmed, buntis na gyud!

AT LAST gikumprima na gayud sa magtiayong Judy Ann Santos ug Ryan Agoncillo ang dugay nang hugon-hugon bahin sa pagbuntis sa aktres.

Kapin duha ka semana na nga nagtuyok ang mga istorya apan nagdinalo ang magtiayon sa press sa pagbutyag kung unsa gayud ang tinuod.

Si Ryan ang mismong mikumpirma niini niadtong Biyernes sa Eat Bulaga! diin si Juday, naka-phone patch sab aron ipabuhagay ang good news.

"Na-bullseye po! Gumagana si Manoy!" ni Ryan.

Matud ni Ryan nga Biyernes sa buntag lang nila nakumpirma ni Juday og bonggang-bongga nga magka-baby na gayud sila.

Niadtong Biyernes, ilang napamatud-an nga 2 months preggy si Juday. Dugay na gayud nga gihuwat sa magtiayon nga magka-baby ug karon, natuman na gayud.

"Medyo natagalan lang po ng pag a-announce dahil hinintay namin yung totoong confirmation dahil nung unang mga lumabas yung mga bali-balita, pregnancy test pa lang po. So, naghintay kami ng talagang...litrato. Di ba, yung naririnig namin yung tibok ng puso nung bata? Ayan, two months and four days," sumala ni Ryan.

Samtang si Juday, di sab makatuo nga may baby na sulod sa iyang tiyan.

"Tao pala ako, akala ko robot ako!" niya.

Anyway, di sab gusto ni Ryan ug Juday nga mamili kung babaye o lalaki ang ilang baby ni Juday.

"Kahit ano, e, basta... Kasi siyempre, ang tagal naman din namin hinintay to, di ba? Masyado naman yatang selfish kung mamimili pa kami ng kasarian. So, kahit ano, basta healthy siya," sumala sa aktres.

Kahinumduman nga sukad nga nagpakasal ang duha last April 2009, daghan na kaayo ang naghuwat sa moment nga mabuntis na gayud si Juday.

Bisan ang magtiayon, gusto na sab nga magka-baby dayon knowing nga di na gyud bagets pa ang aktres. Karon, natuman na gayud ang ilang pangandoy.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph