30th Sea Games: Kapalpakan gitubag

NAHIMONG unod sa social media, gipiyestahan og taman ang isyung kikiam nga suma pa gitanyag sa mga atletang apil sa Southeast Asian Games.

Apan usa ka opisyal sa hotel nga si Edgardo M. Capulong, presidente ug chairman of the board sa Whitewoods Convention & Leisure Hotel sa Silang, Cavite, ang mipadala og suwat kang William "Butch" Ramirez, chef de mission sa Team Philippines, aron ipaambit ang ilang habig.

Sa iyang suwat, gilimod ni Capulong ang sulti ni Let Dimzon, coach sa Philippine Malditas, nga gisilbihan sila og kikiam alang sa ilang pamahaw, Lunes.

"Coach Dimzon testified on national television that our menu for breakfast was 'kikiam,' which in fact is actually chicken sausage," suma ni Capulong.

Dugang pa niya, "We have proof of this, and the PHISGOC food audit team in the hotel that are on top of the food inspection during, before and after cooking and during meal time, can attest to the fact that it was not 'kikiam."

Matud ni Capulong nga nasayod sab ang ubang atletang Pinoy nga di kikiam ang ilang gikaon, apan chicken sausage.

"Our food serving is generous, because we decided a free and open buffet service complete with egg omelet station that is not part of our contract," dugang niya.

Dismayado si Capulong sa tim, partikular kang Hali Long, tungod mas giuna pa niining mobatbat sa social media inay sultihan sila sa problema.

"We regret that this athlete did not direct the concern to the management or to your duly appointed facilitator, but resorted immediately to clicking her Facebook, which went viral very fast," dugang ni Capulong.

Gikaitok sab ni Capulong ang pagbitbit sa Philippine team og lechon nga wala mikoordinar kanila.

Sigon niya nga kalapasan kini sa kasabutan nga "no oil, pork be served" tungod sa ubang Muslim nga atleta.

"Again, we are so sad because our very own Pinoy athletes are the very first one to destroy our dignity as Filipinos. Where is our sense of nationalism?" matud niya.

Samtang gahapon, ang Philippine Sports Commission (PSC) gitubag sab ang nag-viral nga comfort room sa babaye nga may duha ka inidoro.

Suma sa PSC nga ang nag-viral nga hulagway gikuhaan samtang gihimo pa ang renobasyon sa pasilidad.

Sa post sa ahensiya, makita nga may gibabag ng kahoy aron mabuwag ang duha ka inidoro.

Ang nag-viral nga kasilyas gikuhaan sa Ninoy Aquino Stadium.

Duterte naitok

Sa nagkadaiyang kontrobersiya nga gihangop karon sa SEAGames hosting sa Pilipinas, giingong nasuko na niini si President Rodrigo Duterte.

Ang pangulo atua sa Busan, Korea aron motambong sa the Asean-Republic of Korea Commemorative Summit.

Matud ni Presidential Spokesman Salvador Panelo nga ang mga kapakyasan nalikayan unta kung ang Philippine Southeast Asian Games Organizing Committee (Phisgoc), nga maoy nanguna sa pagplastar sa SEA Games gihimo ang tanan aron masiguro ang kahan-ay sa SEAGames.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph