KUNG isumada nimo ang imong mga "NGANO" sa kinabuhi, unsa ang mga pangutanang mopatigbabaw?
Masusama kaha kini sa listahan ni Dess gikan sa pelikulang "My Bakit List"?
Pangutana labot trabaho:
Dugo, singot, lablayp, ug sexlayp. Bisan tulog ug pahuway, gihatag na nimo, ikaw pa gihapon ang sad-an. Ngano?
Pangutana labot relasyon:
Gikarir na nimo ang pagka-inahan ug amahan bisan ate ka lang, apan may kuwang gihapon. Ngano?
Pito ka tuig nimo siyang gimahal, apan sa kalit lang, mawala. Ngano?
Gidala ni Louise Delos Reyes ang karakter ni Dess diin daghan ang maka-relate.
Si Dess nagtrabaho isip head writer sa usa ka drama anthology.
Taliwala nga siya ang breadwinner, misurender siya sa trabaho tungod sa grabeng presyur.
Inay makuha ang simpatiya ug pagsabot sa pamilya, nadismaya siya tungod wa siya masabti.
Aron makarelax, mibiyahe siya pa-Ilocos Norte kauban ang best friend nga si Brutus, ang karakter nga gidala ni Prince Stefan.
Apan dinhi subli niyang mahimamat ang ex niyang si Ejay (Ivan Padilla) nga kalit lang mibiya niya.
Ang pelikula gisuwat ni Bona Fajardo diin siya sab ang direktor.
Suma ni Direk Fajardo (I Found My Heart in Santa Fe, Kahit Ayaw Mo Na, and Iliw), nagtuo siyang ang istorya mangita gyud sa saktong aktor nga haum niini.
"Naikwento minsan ni Louise na naging bulag siya sa pag-ibig sa dating kasintahan. Dahil sa kanyang karanasan at dahil na rin sa pagiging mahusay at dedicated na aktres, lubos niyang niyakap ang pagiging Dess. Maliban sa pagtitiwala sa kanyang karakter, importante rin para sa kanya na magkaroon ng tiwala sa kanyang co-actors. Ito ang unang beses na makakapareha ni Louise si Ivan Padilla. Saksihan ang kanilang chemistry bilang ex-couple na mahal pa rin ang isa't-isa," butyag ni Fajardo.
Ang theme song sa pelikula mao ang "Sanay Naman Ako" gikan sa singer-songwriter nga si Jo. E.
Karong Christmas season, i-apil sa inyong to-do list ang paglantaw sa "My Bakit List" gikan sa Viva Films ug BluArt Productions.
Ipasalida kini sa December 11, 2019.