LAING hikog na usab ang natala sa dakbyanan human napalgan ang usa ka asawa nga naghikot sa iyang liog gamit ang bakus niadtong Nobiyembre 26 mga alas 11:30 sa gabii sa Zone-10 Purok 1, Upper Carmen, ning siyudad sa Cagayan de Oro.
Giila sa kapulisan ang babaye nga mao si Jenny (bansagon gipugngan), 37, minyo, residente sa maong dapit.
Sa nahipos nga impormasiyon gikan sa kapulisan gikabutyag nga napalgang nagbitay sulod sa lawak human naghikot ginamit ang bakus ang babaye.
Gidali pa kini sa pagdala sa ospital ilabi na sa J.R Borja General Hospital apan walay swerteng gideklarang dead on arrival.
Gibutyag sa bana nga nisulay na sa pipila ka higayon sa pagpakamatay ang iyang asawa.
Giingong sa wala pa ang insidente nagkalalis ang magtiayon.
Ang patay nga lawas ang kasamtangang anaa na sa funeral homes dinhi sa sentrong bahin sa siyudad.
Nasayran nga bag-ohay lang nga gihisgotan sa konseho ang sunod-sunod nga nahitabong pagpakamatay sa dakbayan gani duna na kini silay mga aksiyon nga gihimo ug kasamtangang 911 ang pwedi matawagan kung magkinahanglan og tabang lakip na usab sa mga nakasinati og depresiyon.