SUPERBALITA CEBU

ALU gigamyan sa umentong P18

BISAN sa ilang paghangop sa pag-aprobar sa P18 nga umento sa minimum nga sweldo sa Central Visayas, usa ka labor group niingon nga alang nila gamay ra kini nga umento.

Sigon ni Atty. Nora Analyn Demeterio-Diego, vice president sa Central Visayas sa Associated Labor Unions-Trade Union Congress of the Philippines (ALU-TUCP) nga malipayon sila sa pag-aprobar sa umento nga ipatuman sa di pa matapos ang 2019.

Apan magul-anon sila nga kini nagkantidad lang og P18.

“Nasagmuyo lang ta tungod sa kagamay sa amount nga na-approvan. Although nga nalipay ta nga naay increase pero nakapasagmuyo sa kagamay sa gihatag sa ato nga mura ba’g matawag nga sinsilyo na lang. We cannot help but be frustrated with the amount,” pasabot niya.

Dungag niya nga anaa sa P300 ang inisyal nga gipangayong umento apan, wa sila nagdahum nga gamay ang maaprobahan.

Sigon ni Diego nga ang pag-aprobar sa umento sa sweldo layo ra sa unang gihatag sa Regional Tripartite Wages and Productivity Board (RTWPB) alang sa mga minimum og kita sa kasadpang bahin sa Visayas.

“On the side of the management, palawman pa unta nila ang pagsabot. Ang labor cost isa ra sa factor, dili lang unta kani ang tan awon. Ngano kani ang pirmi mapiit?,” matod pa niya.

Niadtong Martes, Nobyembre 26, 2019 giaprobahan sa RTWPB sa Cenral Visayas ang P18 nga umento sa inadlaw nga sweldo.

Uban sa maong pag-aprobar, ang bag-ong rate sa mga micro-business nga adunay 10 ka mga empleyado o labaw pa mahimo nang P404 ang adlaw samtang ang mga kompanya nga anaay minus sa 10 ka mga empleyado mahimo nang P396 ang adlaw. (WBS, JCT)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph