Mga fast food chain mopalit nag karneng baboy dinhi sa Cebu

INSPECTION: Ang Department of Trade and Industry (DTI)7 nga gipangulohan ni Director Asteria Caberte (wala) misusi sa mga presyo sa mga palaliton nga naandang andamon sa Pasko ug Bag-ong Tuig, sama sa mga ham. (Amper Campaña)
INSPECTION: Ang Department of Trade and Industry (DTI)7 nga gipangulohan ni Director Asteria Caberte (wala) misusi sa mga presyo sa mga palaliton nga naandang andamon sa Pasko ug Bag-ong Tuig, sama sa mga ham. (Amper Campaña)

BISAN kon nagpabilin ang Executive order No. 16 nga giluwatan ni Gobernador Gwendolyn Garcia nga nag-ban sa mga produktong baboy nga mosulod sa Sugbo, gipahibaw ni Provincial Veterinary Office (PVO) Head, Dr. Mary Rose Vincoy, nga mahimong available na unya ang mga kinaham sa customers nga mga meat ug pork menu sa mga fast food chain.

Kini human midesider kini nga moangkat og baboy ug karne sa lokal nga hog raisers, meat processors ug importers sa Sugbo.

Ang mando gisundan usab sa Executive Order No. 23 nga nagdili pagpasulod sa Sugbo sa mga produktong baboy nga nasagol sa mga produkto nga apektado sa ASF sa kaulohan.

Tungod niini, apektado ang menu sa mga fast food chain.

Sa Miyerkules, Nobiyembre 27, 2019, nakigtagbo ang mga opisyal sa Jollibee aron pagpahibaw sa mga lakang nga ilang buhaton aron makaluto gihapon sila sa menu nga may sagol nga produktong baboy sa luwas nga pamaagi. Sa miaging semana, mi-desisyon ang McDonalds nga moangkat og mga produktong baboy gikan sa local pork producers.

Aron mahimong luwas sa ASF, gikinahanglan nga kompletuhon sa mga fast food chain ang mga rekisitos nga magpamatuod nga walay presensya sa ASF ang mga produkto nga gamiton, ug wala mag “commingle” o masagol sulod sa usa ka cold storage facility sa mga produkto nga apektado sa ASF.

“We have a local meat processor here in Cebu. Some of the issues nga gi-raise sa ubang food chain owners nga nag angkat og meat gikan sa Manila, gi-cater naman or they have initial discussions and deals nga diri na i-source ang pork from Cebu”, matod ni Vincoy.

Matod ni Vincoy nga 85 porsyento sa mga produkto nga kuhaan sa food chains mao ang gikan sa local pork producers, 15 porsyento niini gikan usab sa ubang lokal producers ingon man ang imported products.

Alang sa mga buot mag-andam og lechon karong Pasko, di angay mabalaka matod pa ni Vincoy tungod kay igo ang supply sa baboy sanglit gitugutan gihapon nga moangkat og baboy gikan sa Negros ingon man pipila usab sa mga Cebuano backyard raisers nga migahin usab og produkto alang sa mga lechoneros nga nagkinahanglan.

Alang sa mga meat products, may meat importers usab sa lalawigan nga maoy modawat sa mga imported meat o pork products direkta dinhi sa Sugbo.

“Some of the food chains had an initial agreement sa mga importer nga diri na sila mo-source sa ilang products (gikan sa lokal nga mga produkto).

Samtang, alang sa mga processed meat products sama sa hamon, may tulo ka mga korporasyon nga ubos sa Philippine Association of Meat Processors Inc. (PAMPI) nga mamahimong makuhaan sa mga fast food chain og produkto.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph