ANDAM mosalmot ang Philippine Southeast Asian Games Organizing Committee (Phisgoc) sa bisan unsa nga imbestigasyon human ang Malacanang mipasidaan nga mopahigayon og makuti pakisusi kalabot sa alegasyon nga kahiwian sa pag-host sa nasod sa 30th SEA Games.
“Our chairman has declared numerous times that we are willing to participate in any form of investigation (on the 30th SEA Games) after its conclusion on Dec. 12,” matod sa opisyal nga pamahayag sa Phisgoc.
Hinuon, gipasabot sa Phisgoc nga sa kasamtangan magpabilin ang ilang pagtutok nga kahatagan og kalampusan ang pagpahigayon sa matag duha ka tuig nga kompetisyon ug gipasalig ngadto sa publiko nga ang tanang mga regulasyon ilang gisunod.
Sa sayo pa, si President Duterte mipadayag sa iyang kasagmuyo sa gikatahong mga isyu nga mihamok sa maong kalihukan ug posibling magtukod kini og committee nga maoy tahasan sa pag-imbestigar, matod pa ni presidential spokesman Salvador Panelo.
“Any complaint lodged in the Office of the President vis-a-vis any matter concerning the SEA Games will be subject to scrutiny,” pagbutyag ni Panelo sa mga reporters.
Una nang gireklamo sa mga langyawng delgado nga gikan sa Cambodia, Timor Leste, Thailan ug Malaysia mao ang kabahin sa transportasyon ug akomodasyon. Dayon gisundan kini sa mga pagkaon. Kini daling mikatap sa mga media.
Apan ang mga kadagkuan sa Phisgoc pinangulohan sa chief operating officer nga si Tats Suzar, POC ubos sa liderato ni Rep. Bambol Tolention misaway sa mga kritiko atol sa press conference kagahapon ug miawhag sa mga media nga motutok na lang sa mga atleta ug sa mga events.
“We agree that during the inquiry, we should be investigating too the proliferation of Fake News a few days before the Opening Ceremony, which has put the organizing committee, the Games, and the country in a bad light,” dugang sa Phisgoc.
Dugang niini nga gani ang Presidental spokesperson nabiktima usab sa fake news. (JBM)