DI NA kapugngan ang Pasko. Pila na lang gyud kapamilok, moabot na ang Disyembre 25.
Gikan sa nagpasad nga mga dekorasyon, mabulukong kolor sa Christmas lights nga nagsayaw-sayaw sa kalipay, inubanan pa sa excitement nga gibati sa kadaghanan.
Ug mas hugyaw ang Pasko uban sa Big Bad Wolf Book Sale!
Wa paka’y nahuna-hunaan nga regalo? Kung bookworm si friend, labs, ug uban pa, dasdas na sa Enderun Tent, Azuela Cove ug pamili na sa libuan ka mga libro nga naka-sale sa Big Bad Wolf.
Di sab problema ang oras, tungod ang labing dako nga book sale, bukas og 24-oras hangtud Disyembre 2 ning tuig.
Daghang kapilian nga libro alang sa kids, young at heart, adults, nga may 50 ngadto 90 porsiyento nga diskwentro.
Aron mas hugyaw ang Pasko, ang Big Bad Wolf Book Sale misaad sab nga magtukod og 50 ka transitional houses alang sa mga nabiktimsa linog, ilawom sa Gawad Kalinga isip partner.
Luyo niini misaad sab ang Big Bad Wolf Book Sale Davao 2019 nga modonar og 500 ka libro sa nagkadaiyang tunghaan sa Mindanao.
Nalingaw ka na og basa, nakat-on ka pa, nakatabang pa gyud.