ANG Ambassadress sa San Pedro College (SPC) nga si Fatimarynge Lordes Z. Manubag ang giilang Ms. Philippine Association of Campus Student Leaders (PACSL) 2019 sa 3rd annual Philippine Association of Campus Student Advisers (Pacsa) International convention nga gihimo Nobiyembre 25 hangtod 28 sa Teachers’ Camp, Baguio City.
Luyo sa korona, nakuha sab ni Manubag ang Best in Formal Attire award.
“It is an honor and privilege to represent not only SPC, but the Pacsa Mindanao as well,” ni Manubag.
“Raising the banner of Mindanao is an overwhelming feeling for me, especially that the rest of the candidates obviously gave their best performances,” dugang niini.
Si Manubag napili nga maoy representante sa Mindanao uban si Jeremy Duane Chingkaw, SPC Senior High School (SHS) Ambassador 2018, nga nakuha sab ang Philippine Ambassador for Student Service award.
Ang duha nakigtigi sa laing pito ka mga pares gikan Pacsa Luzon, Pacsa National Capital Region, ug Pacsa Visayas.
Anaa sa 1,500 ka partisipante ang midugok karong tuig sa kombensiyon, dungan sab sa selebrasyon sa ika-40 ka tuig niini.