NAGPING-IT sa kasakit uban sa pagmahay ang usa ka 68 anyos nga lolo human iyang gipadulaan ang iyang kinatawo sa ilang iring.
Miyerkules sa udto, Nobiyembre 27, nadala sa Southern Philippines Medical Center (SPMC) ang usa ka Rogelio (bansagon gitago), mag-uuma, molupyo sa Sulop, Davao del Sur.
Subay sa logbook sa Trauma Complex sa SPMC, nasayran nga dihang naglingkod sa kubo si lolo Rogelio, miduol kaniya ang ilang binuhing iring.
Giingon nga gipagawas ni Rogelio ang iyang kinatawo og gihampak-hampak sa tiil sa iring ug kalit kining gikawras dayon gihambat.
Sa hitabo, giwakli sa biktima ang iring apan mikapyot pa kini hinungdan nga nakahiagom og dakong samad ang kinatawo sa edaran.
Gilayong gidala ang edaran sa usa ka ospital sa Digos City, apan sa kadako sa samad nga naangkon, gibalhin kini sa SPMC.
Sa kasamtangan, ang biktima padayong nagpaalim sa SPMC sa mga samad nga iyang nahiagoman sa iring.