MANILA--Maayo na lang naimbitar ako sa presscon sa “Istorya ng Pag-asa” maong nahibaw ko nga aduna diay kaugalingong film festival ang Office of the Vice President ni VP Leni Robredo nga on its third year na diay. Nagsugod kini kaniadtong tuig 2016 diin nagadawat sila og mga short films gikan sa mga gagmayng filmmakers.
Kada tuig, nagle-level-up ang mga short films nga gipangsubmit nga ang kadaghan mga Masscom students. This year ang best short film mao ang kabahin sa usa ka Uber driver (phase out na karon ang Uber) diin ang nagmaneho adunay Tourette Syndrome.
Present si VP Leni kauban ang duha ka bag-ong filmmakers nga maoy mingtubag sa mga pangutana sa press.
Gidid-an kami sa pagpangutana ug uban pa maliban sa filmfest. So sa dihang ako na ang nangutana, akong gikutana si VP Leni kung may plano ba siyang himuong full-length film ang ilang pagadawaton para sa “Istorya ng Pag-asa”. Ang ikaduha nakong pangutana kung ipadayon ba niya ang maong filmfest bisan kung mahuman na ang iyang termino as Vice President.
Ang tubag ni VP Leni, hangtod sa short film lang daw sila ug plano niyang ipadayon ang Istorya ng Pag-asa Filmfest bisan og dili na siya Vice President.
March 2020 pa naman ang deadline, kung gusto niyong magpasa, 5 to 10 minutes video, puwede sa cellphone ra unya kinahanglang may kapulutan tang pagtulun-an sa entry. P100k ang ganti sa Best Film/Director.
Gi-explain ni VP Leni nga dili porke’t misalmot ka sa “Istorya ng Pag-asa” dilawan ka na. Nibulig ang Ayala Foundation sa “Istorya Ng Pag-asa” film festival.
Grandiosa Carroza
Congratulations kang Barangay Captain Bernie Evangelista Barangay Mauway, Mandaluyong City ug sa iyang kugihan nga anak nga si Warlo Evangelista (SK Chairman) ug uban pang opisyales sa Mauway tungod kay malamposon ang ilang inaugural Gradiosa Carozza Parade nga gipahigayon a few days back.
Ang Brgy. Mauway nga matod pa ni SK Chairman Warlo nga naggikan sa pung nga “uway,” meaning rattan, parang Bisaya sad) tungod kay kaniadtong panahon, daghang uway sa ilang lugar.
Ang National Mental Hospital nahimutang sa Brgy. Mauway ug sa susunod nga mga tuig, mas pabonggahin pa nila ang Grandiosa Carroza Parade.